உங்க கருத்தை பதிவு செய்யுங்கள்

உலக புகையிலை எதிர்ப்பு தினம்

இன்று உலக புகையிலை எதிர்ப்பு தினம். போர்ச்சுகீசிய நாடுகளிலிருந்து வந்த வணிகர்கள் மூலம் 16 ம் நூற்றாண்டுகளில் புகையிலை இந்தியாவுக்கு அறிமுகம் ஆனது. தினமும் 2465 பேர் வீதம், ஆண்டுதோறும் 9 லட்சம் பேர் புகையிலை தொடர்பான நோயால் இறக்கின்றனர். இந்தியாவில் 2020ல் 16 லட்சம் இறப்பார்கள் என உலக சுகாதார நிறுவனம் எச்சரிக்கிறது.

புகையிலையால் ஏற்படும் பாதிப்புகள், அதிலிருந்து விடுபடுவதற்கான வழிகள், நன்மைகள் குறித்து மதுரை மனநல டாக்டர் சி. ராமசுப்பிரமணியன், டாக்டர் ரத்தினவேல், உளவியல் நிபுணர் ரவிச்சந்திரன், பேராசிரியர் கண்ணன் கூறியதாவது :புகையிலையால், நுரையீரல், கண் உட்பட உடலின் பல்வேறு உறுப்புகள் பாதிக்கும். புகையிலை தொடர்பான சிகரெட், பீடி போன்றவற்றை வாங்க தினமும் 20 ரூபாய் செலவழிக்க வேண்டியுள்ளதால், பொருளாதார பாதிப்பும் ஏற்படுகிறது. தோலின் தன்மைமாறி, சுருக்கங்கள் ஏற்பட்டு, எண்ணெய் பசை குறைந்து, இளம் வயதிலேயே முதுமை அடைந்தது போல் இருக்கும். எப்போதும் வாய் நாற்றம், இருமல் இருக்கும். பற்கள் மஞ்சளாகவும், கை விரல்கள் கறுப்பாகவும், ரத்தசோகை பிடித்தது போல் இருக்கும்.

புகையை கைவிடுவது எளிது : புகைப்பதை ஏன் விட்டுவிட வேண்டும் என்று பட்டியல் தயார் செய்ய வேண்டும். நன்மைகளை கைப்பட எழுதி வைத்திருக்க வேண்டும். எப்போது, ஏன், யாருடன், எந்த சூழலில் புகைபிடிக்கிறோம் என அட்டவணை தயார் செய்ய வேண்டும். லைட்டர், தீப்பெட்டி, ஆஷ்டிரே, மீதமுள்ள சிகரெட்டை, காலி பாக்ஸ்களை வீட்டிற்கு வெளியே போட்டு விட வேண்டும். வீட்டை நறுமண பினாயில் போட்டு சுத்தமாக கழுவி வைக்க வேண்டும். நெருக்கமான உறவினர்கள், நண்பர்களிடம் எந்த தேதியிலிருந்து புகைபிடிப்பதை விட்டுவிட போகிறீர்கள் என தெரிவிக்க வேண்டும். பின் சொன்னதை செய்ய வேண்டும்.

புகைப்பதை விட்டுவிட்டால் ஏற்படும் நன்மைகள் : ரத்தஅழுத்தம், நாடித்துடிப்பும் சாதாரண நிலைக்கு வரும். கை, காலில் அபரிமிதமான சூடு உஷ்ணம் குறையும். உடலில் தீங்கு விளைவிக்கும் கார்பன் மோனாக்ஸைடு குறையும். ரத்தத்தில் உள்ள ஆக்சிஜன் அளவு அதிகரிக்கும். நாக்கில் சரியான ருசி தெரியவரும். மாரடைப்பு வாய்ப்பு குறையும். மூச்சு விடுவதில் சிரமம் இருக்காது. இருவாரங்களுக்கு பின், ரத்தம் ஓட்டம் சீராக இருக்கும். நடக்கவே சிரமப்பட்டவர்கள், நுரையீரல் விரிவடைந்து பிராண வாய்வு அதிகமாக சென்றுவிடுவதினால் மிக வேகமாக நடக்கவும், ஓடவும் முடியும்.

ஒன்பது மாதங்களுக்கு பின், இருமல், மூக்கடைப்பு குறைந்து சளி வருவது நிற்கும். ஓராண்டிற்கு பின், மாரடைப்பு வருவது பாதியாக குறையும். ஐந்து ஆண்டுகளுக்கு பின், பக்கவாதம், மாரடைப்பு, ரத்தஅழுத்தத்தினால் மூளையில் ஏற்படும் ரத்தக்கசிவு போன்றவற்றிலிருந்து விடுதலை ஏற்படும்.பத்தாண்டுகளுக்கு பின், புற்றுநோயால் இறப்பது பாதியாக குறையும். பதினைந்து ஆண்டுகளுக்கு பின், புகைப்பதை நிச்சயம் விட்டுவிட முடியும் என்று உறுதியாக நம்பி, மற்றவர்களையும் இதைப்போல நடந்துகொள்ளும் வகையில் முன்மாதிரியாக இருக்க வேண்டும். இவ்வாறு கூறினர்.
விரிவாக படிக்க இங்கே கிளிக் செய்யுங்கள்

செயற்கை செல் உருவாக்கி விஞ்ஞானிகள் புரட்சி: உயிர் உருவாக்க வழி கண்டனர்

உயிரியல் உலகின் உச்சக்கட்ட சாதனையாக, செயற்கை செல்லை உருவாக்கி, அமெரிக்க விஞ்ஞானிகள் சாதனை படைத்துள்ளனர்.
செல் என்பது, ஒரு உயிர் அணு. இது உட்கரு, மரபணுவை நிர்ணயிக்கும் டி.என்.ஏ., சைட்டோபிளாசம், செல் சுவர் உட்பட பல பாகங்கள் உள்ளன. "குளோனிங்' முறையில், ஒரு உயிரினத்தின் செல்லிலிருந்து, மரபணுவை எடுத்து, மற்றொரு செல்லில் புதைத்து பலபடியாக்கி, அதே உயிரினத்தை உருவாக்கி விஞ்ஞானிகள் வெற்றி கண்டனர். இப்போது, அதையும் மீறி, ஒரு புதிய செல்லையே உருவாக்கும் முயற்சியில் வெற்றி கண்டுள்ளனர். இதை "சிந்தடிக் செல்' என்றழைக்கின்றனர். இரண்டு ஆண்டுகளுக்கு முன் இதற்கான முயற்சியை, ஹார்வர்டு பல்கலைக்கழக விஞ்ஞானிகள் துவக்கினர்.

ஒரு செல்லின் மொத்த மரபணுவையும், வேறு ஒரு புதிய செல்லுக்கு மாற்றி, அதன் வளர்ச்சியை கண்காணித்தனர். இதில் முக்கிய பங்காற்றியவர் மேரிலாண்டை சேர்ந்த கிரெய்க் என்ற விஞ்ஞானி. அவர் தன் குழுவுடன் நடத்திய ஆய்வு வெற்றி பெற்றிருக்கிறது. தொடர்ந்து, ஒரு செல் உயிரினமான பாக்டீரியாவின் செல்லில், செயற்கையாக உருவாக்கப்பட்ட டி.என்.ஏ., மூலக்கூறுகளை செலுத்தி, அதன் வளர்ச்சியை கண்காணித்தனர். அதில் ஒரு மரபணு ஜோடி பொருத்தத்தில் தவறு நேர்ந்ததை, கம்ப்யூட்டர் உதவியுடன் கண்டறிந்தனர். பின், அதை சரி செய்யும் தொழில்நுட்பத்தைக் கண்டறிந்து, அதை மீண்டும், வேறு ஒரு செல்லில் பயன்படுத்தினர். அதன் வளர்ச்சியை கண்டு ஆச்சரியமடைந்த அவர்கள், அந்த செல்லின் முற்றிலும் மாறுபட்டிருந்த மரபணுவை, மீண்டும், வேறு ஒரு உயிரினத்தின் செல்லில் செலுத்தினர். அப்போது தான் ஆச்சரியம் நிகழ்ந்தது.

செயற்கையாக உருவாக்கப்பட்ட டி.என்.ஏ., புதிய மரபணுவுடன், தாய் செல் போலவே, வளர்ச்சி அடைய துவங்கியது. வேறு விதமாக சொன்னால், ஆட்டின் உயிரணு மாட்டின் உயிரணுவாக மாறியது. அப்படியானால் மரபணுவிலுள்ள குரோமசோம்களையே மாற்றி வேறுவிதமாக செய்யும் சாதனை இது. "செயற்கையாக உருவாக்கப்பட்ட புதிய செல், மருத்துவ உலகில் பல புதிய பரிணாமங்களை தோற்றுவிக்கும்' என இந்த விஞ்ஞானிகள் கூறுகின்றனர். இதை அவர்கள் "சிந்தடிக் செல்' என்று அழைக்கின்றனர்.
பாரம்பரிய நோய்கள் உட்பட பலவற்றுக்கும், இந்த புதிய கண்டுபிடிப்பு உதவும். உதாரணத்திற்கு அழுக்கு தண்ணீரை மிகவும் சுத்தமான தண்ணீராக்குவது, குறுகிய காலத்தில் தடுப்பூசி மருந்துகளை தயாரிப்பது போன்றவைகளுக்கு உதவும் என்று கூறப்படுகிறது. ஆனால் அதே சமயம் "உயிரி ஆயுதமாக இது பயன்படுத்தப்படலாம்' என்ற அச்சமும் பேசப்படுகிறது. ஆகவே மரபுப்படி பாதுகாக்கும் நடைமுறைகள் குறித்த கமிஷன் தலைவர் அமி குட்மானுக்கு அமெரிக்க அதிபர் ஒபாமா கடிதம் எழுதியுள்ளார். இந்த வெற்றியை பாராட்டிய அவர், " மருத்துவ, சுற்றுச்சூழல் மற்றும் பாதுகாப்பு அம்சங்கள் ஆகிய துறைகளில் இது எந்த அளவு பாதிப்பு ஏற்படுத்தாமல் இருக்கும் என்பதை ஆய்வு செய்ய வேண்டும்' என்று கேட்டுக் கொண்டிருக்கிறார்.
விரிவாக படிக்க இங்கே கிளிக் செய்யுங்கள்

சிவில் சர்வீஸ் தேர்வு முறையில் மாற்றம்: சராசரி மாணவர்களும் தேர்ச்சி பெறலாம்

வரும் 2011ம் ஆண்டு முதல் சிவில் சர்வீஸ் முதல்நிலைத் தேர்வில் மாற்றங்கள் கொண்டுவரப்படுகிறது. சராசரி புத்திசாலித்தனத்துடன், கடின உழைப்பு இருந்தால் சிவில் சர்வீஸ் தேர்வில் வெற்றி பெறலாம்,'' என வாஜிராம் மற்றும் ரவி ஐ.ஏ.எஸ்., பயிற்சி மைய இயக்குனர் ரவீந்திரன் கூறினார்.

அவர் கூறியதாவது: சேலத்தில் பி.எஸ்சி.,யும், டில்லி பல்கலையில் எம்.ஏ., - எல்.எல்.பி., படித்தேன். கடந்த 30 ஆண்டுகளாக டில்லியில் வாஜிராம் மற்றும் ரவி ஐ.ஏ.எஸ்., - ஐ.பி.எஸ்., பயிற்சி மையம் நடத்தி வருகிறேன். இந்திய அரசியலமைப்புச் சட்டம், பொது அறிவு பாடங்களுக்கும், நேர்முகத் தேர்விற்கும் பயிற்சி அளிக்கிறேன். இந்த ஆண்டு ஐ.ஏ.எஸ்., தேர்வில் தேர்ச்சி பெற்ற 875 பேரில், 330 பேர் வாஜிராம் மற்றும் ஐ.ஏ.எஸ்., பயிற்சி மையத்தில் பயிற்சி பெற்றவர்கள். இத்தேர்வில் 2, 3, 5, 6, 7, 8 ஆகிய ரேங்க்களை பெற்றவர்கள், எங்கள் பயிற்சி மையத்தில் படித்தவர்கள். கடந்த 1999ம் ஆண்டு முதல் 2008ம் ஆண்டு வரை, பத்து ஆண்டுகளாக அகில இந்திய அளவில் முதல் ரேங்க்கை எங்கள் பயிற்சி மையத்தில் படித்தவர்கள் தான் பெற்று வருகின்றனர்.

தற்போதைய யூ.பி.எஸ்.சி., தேர்வு முறை, 1979ம் ஆண்டு முதல் 32 ஆண்டுகளாக ஒரே மாதிரியாக செயல்பட்டு வருகிறது. இதில் மூன்று கட்டமாக தேர்வுகள் நடைபெறும். முதல்நிலைத் தேர்வில் பொதுஅறிவு மற்றும் ஒரு விருப்பப் பாடம் இடம்பெறும். 21 பாடங்களில் ஏதாவது ஒரு பாடத்தை விருப்பப் பாடமாக தேர்ந்தெடுத்து தேர்வு எழுத வேண்டும். இத்தேர்வு மே மாத மத்தியில் நடைபெறும். முதல்நிலைத் தேர்வில் தேர்ச்சி பெற்றவர்கள், மெயின் தேர்வு எழுதலாம். மெயின் தேர்வில், பொது அறிவு(இரண்டு தாள்கள்), முதல் விருப்பப் பாடம்(இரண்டு தாள்கள்), இரண்டாவது விருப்பப் பாடம்(இரண்டு தாள்கள்), கட்டுரை, ஆகியவை இடம்பெறும். இவை முதுநிலை பட்டப் படிப்பு அளவில் இருக்கும். இத்தேர்வுகளில் எடுக்கும் மதிப்பெண் ரேங்க்கிற்கு கணக்கில் எடுத்துக் கொள்ளப்படும். மெயின் தேர்வில் கட்டாய ஆங்கிலம், ஏதாவது ஒரு இந்திய மொழி ஆகிய இரு பாடங்களும் இடம்பெறும். ஆங்கிலம், இந்திய மொழியில் தேர்ச்சி பெற்றால் போதும். இவை பிளஸ் 2 அளவில் இருக்கும். மெயின் தேர்வில் தேர்ச்சி பெறுபவர்கள், நேர்முகத் தேர்விற்கு அழைக்கப்படுவர்.
யூ.பி.எஸ்.சி., 2011ம் ஆண்டிலிருந்து முதல்நிலைத் தேர்வில் மாற்றங்களை கொண்டுவரவுள்ளது. இத்திட்டத்திற்கு மத்திய அரசு ஒப்புதல் அளித்து விட்டது. விரைவில் இதற்கான அதிகாரப்பூர்வ அறிவிப்பை, யூ.பி.எஸ்.சி., வெளியிடவுள்ளது. இதன்படி, முதல்நிலைத் தேர்வின் பெயர், "சிவில் சர்வீஸ் ஆப்டிட்யூட் டெஸ்ட் (சி.எஸ்.ஏ.டி.,)' என மாற்றப்படும். முதல்நிலைத் தேர்வில் உள்ள பொதுஅறிவுப் பகுதி தொடரும். விருப்பப் பாடத்திற்கு பதிலாக, "ஆப்டிட்யூட்' டெஸ்ட் இடம்பெறும். இந்த இரண்டு பகுதிகளும் அனைத்து மாணவர்களுக்கும் கட்டாயமாக்கப்படும். கேள்வித்தாள், சரியான விடையை தேர்வு செய்யும் முறையில் அமைந்திருக்கும். 2010ம் ஆண்டு முதல்நிலைத் தேர்வு, பழைய முறையிலேயே நடைபெறும். மெயின் தேர்வில் மாற்றங்கள் கொண்டு வருவது குறித்து, யூ.பி.எஸ்.சி., தலைவர், ஒரு குழுவை அமைத்துள்ளார். அக்குழுவின் பரிந்துரையின்பேரில், மெயின் தேர்வில் மாற்றங்கள் கொண்டுவரப்படும். ஆனால், 2013ம் ஆண்டில் தான் மெயின் தேர்வில் மாற்றங்கள் வரும் எனத் தெரிகிறது.

கிராமப்புற மாணவர்கள், விருப்பப் பாடத்தில் திறமையானவர்களாக இருந்தனர். "ஆப்டிட்யூட்' டெஸ்டில் நகர்ப்புற மாணவர்கள் திறமையானவர்கள். முதல்நிலைத் தேர்வில் கொண்டுவரப்படவுள்ள மாற்றங்களால், கிராமப்புற மாணவர்கள் சிரமப்படலாம். அது ஓரிரு ஆண்டுகள் மட்டுமே இருக்கும். அதன்பிறகு, கிராமப்புற மாணவர்களும், "ஆப்டிட்யூட்' டெஸ்டிற்காக படித்து சிறப்பாக செயல்பட துவங்கிவிடுவர். கிராமப்புற மாணவர்கள் கணிதத்தில் திறமையானவர்களாக இருப்பதால், "ஆப்டிட்யூட்' டெஸ்டில் திறமையை வெளிப்படுத்தவும் வாய்ப்புள்ளது. அகில இந்திய அளவில் சிவில் சர்வீஸ் தேர்வு எழுதுபவர்கள், வெற்றி பெறுபவர்கள் எண்ணிக்கையில், பெண்களின் பங்கு அதிகரித்து வருகிறது. எங்கள் பயிற்சி மையத்தில் ஆண்டுதோறும் பயிற்சி பெறுபவர்களில் பெண்களில் பங்கு 15 - 20 சதவீதமாக இருந்தது. அது தற்போது 30 - 35 சதவீதமாக உயர்ந்துள்ளது. கிராப்புற மாணவர்கள் மற்றும் பெண்களிடம் சிவில் சர்வீஸ் தேர்வு குறித்த விழிப்புணர்வு அதிகரித்துள்ளது.
சிவில் சர்வீஸ் தேர்வில் பாடச்சுமை அதிகம் தான். மெயின் தேர்வில், பொதுஅறிவு, இரண்டு விருப்பப்பாடங்கள் ஆகியவை, மூன்று முதுநிலை பட்டங்களுக்கு படிப்பதற்கு இணையானது. தேர்ச்சி பெற கடின உழைப்பு மிகவும் முக்கியம். சராசரி புத்திசாலித்தனத்துடன், கடின உழைப்பு இருந்தால் சிவில் சர்வீஸ் தேர்வில் வெற்றி பெறலாம். குறைந்த பட்சம் இரண்டு ஆண்டுகள் படிக்க வேண்டும். ஐ.ஏ.எஸ்., தேர்வில் தேர்ச்சி பெற வேண்டும் என்ற மனஉறுதியுடன் இருந்தால் தான், வெற்றி பெற முடியும். மற்ற தேர்வுகளுடன், இதையும் சேர்த்து எழுதலாம் என நினைத்தால் வெற்றி பெற முடியாது. பட்டப்படிப்பு படிக்கும்போதே, சிவில் சர்வீஸ் தேர்வுக்கு தயாராக வேண்டும். பொது அறிவை வளர்த்துக் கொள்ள முயற்சிக்க வேண்டும். செய்தித்தாள்களை வாசிக்காமல், புத்தகத்தைப் போல நினைத்து படிக்க வேண்டும்.

மத்திய அரசு வெளியிடும் யோஜனா, அதன் தமிழ் பதிப்பு திட்டம் ஆகியவற்றை படிக்க வேண்டும். இவற்றில் அரசியல், பொருளாதாரம், சமூகம் குறித்து கட்டுரைகள் இடம்பெறும். "டிவி' மூலமாகவும் கற்றுக் கொள்ள வேண்டும். ஐ.ஏ.எஸ்., தேர்வில் தேர்ச்சி பெற்றவர்களுடனும், தேர்விற்கு தயாராகும் மாணவர்களுடனும் கலந்துரையாட வேண்டும். என்.சி.இ.ஆர்.டி., புத்தகங்களை படிக்க வேண்டும். அதில் 10 - 12 வரையிலான இந்திய வரலாறு, ஜியாகிராபி புத்தகங்கள், பிளஸ் 1, பிளஸ் 2 இந்திய பொருளாதார புத்தகம், 8 - பிளஸ் 1 உயிரியல், இயற்பியல், வேதியியல் புத்தகங்கள் ஆகியவற்றை படிக்க வேண்டும். தேசிய புத்தக டிரஸ்ட் வெளியிடும், அரசியலமைப்புச் சட்டம், இந்திய சுதந்திரப் போராட்டம் ஆகிய புத்தகங்களை படிக்க வேண்டும்.

பட்டப் படிப்பில் தேர்ச்சி பெற்றவர்கள் இத்தேர்வை எழுதலாம். பொதுப்பிரிவினர் 21 முதல் 30 வயது வரையும், ஓ.பி.சி., பிரிவினர் 33 வயது வரையும், எஸ்.சி., - எஸ்.டி., பிரிவினர் 35 வயது வரையும் தேர்வு எழுதலாம். பொதுப்பிரிவினர் 3, ஓ.பி.சி., 7, எஸ்.சி., - எஸ்.டி., பிரிவினர் 14 முறை தேர்வு எழுதலாம். நேர்முகத் தேர்வை தன்னம்பிக்கையுடன் எதிர்கொள்ள வேண்டும். நேர்முகத் தேர்வில், நேர்மை, பிரச்னைக்கு விரைவாக தீர்வு காணும் முறை, பகுத்தாய்வு செய்யும் முறை ஆகியவை சோதிக்கப்படுகிறது. கடந்த 2001ம் ஆண்டு முதல் தமிழக மாணவர்கள் சிவில் சர்வீஸ் தேர்வில் சிறப்பாக செயல்பட்டு வருகின்றனர். கடந்த ஆண்டு தேர்ச்சி பெற்ற 875 பேரில், 125 பேர் தமிழக மாணவர்கள். மேலும், தமிழகத்தில் ஓ.பி.சி., - எஸ்.சி., - எஸ்.டி., மாணவர்களின் தேர்ச்சி விகிதமும் அதிகரித்து வருகிறது. இவர்கள், அதிகளவில் கிராமப்புறங்களிலிருந்து வருபவர்கள்.

சிவில் சர்வீஸ் தேர்வில், 1993ம் ஆண்டு ஓ.பி.சி., இடஒதுக்கீட்டு முறை கொண்டு வரப்பட்டது. ஆனால், தமிழகத்தில் 1930ம் ஆண்டு முதலே, ஓ.பி.சி., இடஒதுக்கீட்டு முறை உள்ளது. இதனால், தமிழகத்தில் படித்த ஓ.பி.சி., மாணவர்கள் அதிகம். அவர்கள் சிவில் சர்வீஸ் தேர்வில் ஓ.பி.சி., இடஒதுக்கீட்டை பயன்படுத்தி தேர்ச்சி பெறுகின்றனர். ஆனால், வடமாநிலங்களில் 1993ம் ஆண்டு தான் ஓ.பி.சி., இடஒதுக்கீட்டு முறை அமலுக்கு வந்தது. தமிழக மாணவர்கள் சிவில் சர்வீஸ் தேர்வில் வெற்றி பெறுவதைப் பார்த்து, மற்ற மாணவர்களும் உத்வேகத்துடன் படிக்கின்றனர்.

தமிழகத்தில் கல்வியறிவு அதிகம். தமிழக மாணவர்களின் கடின உழைப்பும், அதிகளவிலான பயிற்சி மையங்கள், உதவி செய்பவர்கள், இலவச பயிற்சி ஆகியவையும் சிவில் சர்வீஸ் தேர்வில் தமிழக மாணவர்கள் அதிகளவில் வெற்றி பெறக் காரணம். சிவில் சர்வீஸ் தேர்வில் டில்லி, உத்தரபிரதேசம், பீகார், ஆந்திரா, தமிழகம், பஞ்சாப் ஆகிய மாநிலத்தைச் சேர்ந்தவர்கள் சிறப்பாக செயல்படுகின்றனர். தமிழ் உட்பட அங்கீகரிக்கப்பட்ட 22 மொழிகளில் தேர்வு எழுதலாம். தமிழில் எழுதலாம் என்பதும், தமிழகத்தில் அதிக மாணவர்கள் தேர்ச்சி பெற காரணம். இவ்வாறு ரவீந்திரன் கூறினார்.
விரிவாக படிக்க இங்கே கிளிக் செய்யுங்கள்

வேலை வாய்ப்பிற்கு பதிய மாணவர்களுக்கு ஏற்பாடு

விழுப்புரம் மாவட்டத் தில் எஸ்.எஸ்.எல்.சி., மற்றும் பிளஸ் 2 வகுப்பு தேர்ச்சி பெற்ற மாணவ, மாணவிகள் தங்கள் பள்ளிகளிலேயே வேலைவாய்ப் பிற்கும் பதிந்து கொள்ளலாம்.இது குறித்து மாவட்ட வேலைவாய்ப்பு அலுவலர் சந்திரன் விடுத்துள்ள செய்திக்குறிப்பு:விழுப்புரம் மாவட்டத் தில் எஸ்.எஸ்.எல்.சி., மற் றும் பிளஸ் 2 வகுப்பு தேர்ச்சி பெற்ற மாணவ, மாணவிகள் தங்கள் பள்ளிகளிலேயே வேலை வாய்ப் பிற்கும் பதிந்து கொள்ள சிறப்பு ஏற்பாடுகள் செய் யப்பட்டுள்ளன.விழுப்புரம் மாவட்டத் தைச் சேர்ந்த எஸ்.எஸ். எல்.சி.,மற்றும் பிளஸ் 2 வகுப்பு மாணவ, மாணவிகள் மட்டும் தங்கள் மதிப் பெண் சான்றிதழ்களை பெற பள்ளிக்குச் செல்லும் போது ரேஷன் கார்டு மற்றும் ஏற்கனவே எஸ். எஸ்.எல்.சி.,யில் பதிந்திருந்தால் அந்த வேலை வாய்ப்பு அட்டையை எடுத் துச் செல்ல வேண்டும்.ரேஷன் கார்டில் மாணவ, மாணவிகளின் பெயர் இல்லை என்றால் வேலை வாய்ப்பிற்கு பதிய முடியாது.

பதிவு தாரர்களுக்கு வழங்கப்படும் பதிவு அடையாள அட்டை பள்ளி தலைமை ஆசிரியர் மூலம் பள்ளியிலேயே வழங்கப்படும். எஸ்.எஸ். எல்.சி., மற்றும் பிளஸ் 2 தேர்ச்சி பெற்று பதிவு செய்பவர் கள் மாவட்ட வேலை வாய்ப்பு அலுவலகத்திற்கு வரத் தேவையில்லை. இவ்வாறு அந்த செய்திக்குறிப்பில் வேலைவாய்ப்பு அலுவலர் சந்திரன் தெரிவித்துள்ளார்.
விரிவாக படிக்க இங்கே கிளிக் செய்யுங்கள்

அரசு பள்ளி ஆசிரியர்களுக்கான கலந்தாய்வில் 286 பேர் மாறுதல்


விழுப்புரம் மாவட்டத்தில் நடந்த அரசு பள்ளி ஆசிரியர்களுக்கான பொது மாறுதல் கலந்தாய்வில் 286 பேர் மாறுதல் (டிரான்ஸ்பர்) பெற்றனர்.விழுப்புரத்தில் அரசு பள்ளி ஆசிரியர்களுக்கான பொது மாறுதல் கலந்தாய்வு நேற்று நடந்தது. அரசு மகளிர் மேல்நிலைப் பள்ளி வளாகத்தில் சி.இ.ஓ., குப்புசாமி தலைமை தாங்கினார். எஸ்.எஸ்.ஏ., சி.இ.ஒ., பன்னீர்செல்வம், டி.இ.ஓ.,க்கள் பூபதி, கலியப்படையாச்சி முன்னிலையில் 10 தலைமை ஆசிரியர்கள் கொண்ட குழுவினர் கலந்தாய்வு முகாமை நடத்தினர்.காலியிடங்கள் அறிவிக்கப்பட்டு அதன் படி ஆசிரியர்கள் தங்கள் விருப்பத்திற்கேற்ப மாறுதல் இடங்களைக் கோரினர். விதிமுறைகளுக்கு உட்பட்டு ஆசிரியர்களுக்கு மாறுதல் வழங்கப்பட்டது.

கலந்தாய்வில் பங்கேற்ற முதுகலை ஆசிரியர்கள் 192 பேரில் 75 பேர் விரும்பிய மாறுதல் பெற்று சென்றனர். இதே போல் முகாமில் பங்கேற்ற 536 பட்டதாரி ஆசிரியர்களில் 162 பேர் மாறுதல் பெற்றனர். 34 இடைநிலை ஆசிரியர்கள் பங்கேற்றதில் 17 பேர் மாறுதல் பெற்றனர்.ஆசிரிய பயிற்றுநர்கள் 45 பேர் பங்கேற்று அதில் 8 பேர் மாறுதல் பெற்றனர். சிறப்பு ஆசிரியர்கள் 40 பேர் பங்கேற்று 24 பேர் மாறுதல் பெற்றனர். இதன் மூலம் நேற்று நடந்த கலந்தாய்வு முகாமில் 847 ஆசிரியர்கள் பங்கேற்றதில் 286 பேர் விரும்பிய மாறுதல்களை பெற்று சென்றனர். மாறுதல் கலந்தாய்வில் ஏராளமான ஆசிரிய, ஆசிரியர்கள் குவிந்ததால் அரசு மகளிர் பள்ளி வளாகம் திருவிழாக் கூட்டம் போல் பரபரப்புடன் காணப்பட்டது.தொடர்ந்து இன்று (19ம் தேதி) காலை 10 மணிக்கு மாவட்டம் விட்டு மாவட்டம் மாறுதல் குறித்த கலந்தாய்வு நடக்கிறது.
விரிவாக படிக்க இங்கே கிளிக் செய்யுங்கள்

மாவட்ட ஆசிரியர்கள் பொதுமாறுதல் நாளை துவங்குகிறது

விழுப்புரம் மாவட்ட ஆசிரியர்களின் பொது மாறு தல் கலந்தாய்வு நாளை (20ம் தேதி) முதல் துவங்குகிறது.மாவட்ட தொடக்க கல்வி அலுவலர் (பொறுப்பு) தனசேகரன் வெளியிட்டுள்ள செய்திக்குறிப்பு:விழுப்புரம் மாவட்டத் தில் செயல்படும் அரசு, நகராட்சி, ஊராட்சி ஒன்றிய தொடக்க மற்றும் நடுநிலைப்பள்ளி ஆசிரியர்களுக்கான பொதுமாறுதல் மற்றும் பதவி உயர்வுக் கான கலந்தாய்வு நாளை முதல் துவங்குகிறது.விழுப்புரம் ராமகிருஷ்ணா வித்யாலயா மெட் ரிக் மேல்நிலை பள்ளியில் நாளை துவங்கும் கலந் தாய்வில் காலை மாவட் டத்தில் உள்ள நடுநிலை பள்ளி தலைமை ஆசிரியர்கள் மாறுதல் மற்றும் பதவி உயர்வும் நடக்கிறது.மேலும் உயர்நிலை பள்ளியாக தரம் உயர்த் தப்பட்ட நடுநிலை பள்ளிகளில் 6,7,8ம் வகுப்புகளில் பணிபுரிந்து உயர்நிலை பள்ளிக்கு ஈர்த்து கொள் ளப்படாத பட்டதாரி ஆசிரியர்களுக்கான மாறுதல் நடக்கிறது.நாளை மதியம் பட்டதாரிகள் மற்றும் தமிழ் ஆசிரியர்கள் ஒன்றியத்திற்குள் மாறுதல், பதவி உயர்வு கலந்தாய்வு நடக்கிறது.

மறுநாள் காலை தொடக்க பள்ளி தலைமை ஆசிரியர்கள் மாறுதல் மற்றும் பதவி உயர்வும், மதியம் உயர் நிலை பள்ளியாக தரம் உயர்த்தப்பட்ட நடுநிலை பள்ளிகளில் 6,7,8ம் வகுப் புகளில் பணிபுரிந்து உயர் நிலை பள்ளிக்கு ஈர்த்து கொள்ளப்படாத இடைநிலை ஆசிரியர்கள் மற் றும் அந்த ஒன்றியத்தில் உபரி இடைநிலை ஆசிரியர்கள் ஆகியோருக்கான பணி நிரவல் கலந்தாய்வும் நடக்கிறது.வரும் 24ம் தேதி காலை இடைநிலை ஆசிரியர்கள் ஒன்றியத்திற்குள் மாறுதல், இடைநிலை ஆசிரியர்கள் ஒன்றியம் விட்டு ஒன்றியம் மாறுதல் மற் றும் பட்டதாரி ஆசிரியர்கள் ஒன்றியம் விட்டு ஒன்றியம் மாறுதல் நடக்கிறது. அன்று மதியம் இடைநிலை ஆசிரியர்கள் மாவட் டம் விட்டு மாவட்டம் மாறுதல் கலந்த õய்வு நடக்கிறது. 25ம் தேதி காலை பட்டதாரி ஆசிரியர்கள் மாவட்டம் விட்டு மாவட்டம் மாறுதல் கலந்தாய்வு நடக்கிறது.

கலந்தாய்வில் மாறுதல் கோரி விண்ணப்பித்துள்ள ஆசிரியர்கள் மாறுதல் கலந் தாய்விலும், தேர்ந் தோர் பெயர் பட்டியலின் படி பதவி உயர்வுக்கு தகுதி யுள்ள ஆசிரியர்கள் பதவி உயர்விற்கான கலந் தாய்விலும் கலந்து கொண்டு விரும்பும் இடத்தை பூர்த்தி செய்ய லாம். பூர்த்தி செய்யும் ஆசிரியர்களுக்கு அன்றே உரிய ஆணைகள் வழங்கப்படுகிறது.
விரிவாக படிக்க இங்கே கிளிக் செய்யுங்கள்

திருவண்ணாமலை மெட்ரிக் பள்ளி ஆய்வாளர் திருமதி சீனி.வான்மதி

எங்கள் இல்லத்திருமண விழாவிற்கு வருகை தந்த திருவண்ணாமலை மெட்ரிக் பள்ளி ஆய்வாளர் திருமதி சீனி.வான்மதி அவர்களுக்கு எங்கள் மனமார்ந்த நன்றிகள்.

 
விரிவாக படிக்க இங்கே கிளிக் செய்யுங்கள்

தலைமை ஆசிரியர் கவுன்சிலிங்: 413 பேருக்கு மாறுதல் உத்தரவு


அரசு மேல்நிலைப் பள்ளி தலைமை ஆசிரியர்களுக்கான பொது மாறுதல் கவுன்சிலிங், சென்னையில் நேற்று நடந்தது. 413 பேருக்கு பணியிட மாறுதல் உத்தரவுகள் வழங்கப்பட்டன.சென்னை அசோக்நகர், அரசு பெண்கள் மேல்நிலைப் பள்ளியில், பள்ளிக் கல்வி இயக்குனர் பெருமாள்சாமி தலைமையில் நேற்று கவுன்சிலிங் நடந்தது. இதற்காக, மாநிலம் முழுவதிலும் இருந்து 500க்கும் மேற்பட்ட தலைமை ஆசிரியர்கள் வந்திருந்தனர். காலையில், காலிப்பணியிட விவரங்கள் வெளியிடப்பட்டன.

அதன்பின், இணை இயக்குனர்கள் ராமேஸ்வர முருகன், கார்மேகம், தர்ம.ராஜேந்திரன் ஆகியோர் தலைமையில் மூன்று குழுக்கள், தலா 10 மாவட்டங்கள் வீதம் கவுன்சிலிங்கை நடத்தின. மாவட்டத்திற்குள் 273 தலைமை ஆசிரியர்களும், மாவட்டம் விட்டு மாவட்டத்திற்கு 140 தலைமை ஆசிரியர்களும் என 413 பேர், பணியிட மாறுதல் உத்தரவுகளை பெற்றனர். அவர்களுக்கு, பள்ளிக் கல்வித்துறை செயலர் குற்றாலிங்கம், மாறுதல் உத்தரவுகளை வழங்கினார்.சென்னை மாவட்ட அளவிலான கவுன்சிலிங், முதன்மைக் கல்வி அலுவலர் நரேஷ் தலைமையில், சைதாப்பேட்டையில் நடந்தது. இதில், 200 ஆசிரியர்கள் கலந்து கொண்டனர்.
விரிவாக படிக்க இங்கே கிளிக் செய்யுங்கள்

சார்லஸ் டார்வினின் பயம் சரியானது தான் என கண்டுபிடிப்பு

தன் மூன்று குழந்தைகளின் திடீர் மரணம், மூன்று குழந்தைகளுக்கு வாரிசு இல்லாமை போன்றவற்றுக்கு, நெருங்கிய உறவில் திருமணம் செய்து கொண்டது தான் காரணமென, சார்லஸ் டார்வின் பயந்தது சரிதான் என, நவீன ஆய்வு ஒன்று உறுதி செய்துள்ளது.பரிணாம கோட்பாட்டின் தந்தை சார்லஸ் டார்வின், தன் 30 வயதில், நெருங்கிய உறவினரான 31 வயதுடைய எம்மா வெட்ஜ்வுட் என்பவரை திருமணம் செய்து கொண்டார். இத்தம்பதியருக்கு பிறந்த குழந்தைகளில் மூன்று பேர், 10 வயதில் இறந்து போயினர். மேலும் மூன்று பேரின் நீண்டகால திருமண வாழ்வில் குழந்தை பேறே கிட்டவில்லை.

இப்பிரச்னைகளுக்கு அடிப்படையான காரணமாக, தனது திருமணம் இருக்கலாமோ என்று அவர் பயந்தார். அவரது பயம் சரியானது தான் என்று, சமீபத்தில் நடந்த ஓர் ஆய்வு கூறுகிறது.ஓகியோ மாநில பல்கலைக்கழகத்தின் பரிணாம துறையின் ஓய்வு பெற்ற பேராசிரியர் டிம் பெர்ரா மற்றும் அவரது உடன் பணியாற்றும் இரண்டு பேர், சார்லஸ் டார்வினின் குடும்ப பாரம்பரியம் குறித்த ஆய்வில் ஈடுபட்டனர்.சார்லசின் தந்தை மற்றும் தாய்வழி மரபுகளின் வேர்களை, கி.பி., 16ம் நூற்றாண்டு வரை தேடி கண்டுபிடித்து சேகரித்தனர். அந்த உறவு முறைகளை பற்றிய இவர்களின் ஆராய்ச்சியில், சார்லசின் குழந்தைகள், தங்கள் முன்னோரிடமிருந்து மரபணுக்களை பெறுவதற்கு 6 சதவீதம் வாய்ப்பு இருந்துள்ளது தெரியவந்தது.

'சார்லஸ் தம்பதியரின் பெற்றோரிடம் நோய் விளைவிக்கக்கூடிய மரபணுக்கள், ஒரே குரோமோசோமில் பதிவாகியிருந்தால், அவை இரண்டும் ஒரே நேரத்தில், அவர்களின் சந்ததியரிடம் வந்து சேர வாய்ப்பு அதிகம் உள்ளது. அவை தான் நோய்களை உருவாக்கும்' என்கிறார் பெர்ரா.சார்லஸ், இரண்டு வேறுவிதமான தாவரங்களை ஒட்டு முறையில் சேர்த்து புதிய தாவரங்களை உருவாக்கி பார்த்தார். வழக்கமான தாவரங்களை விட, இவை மிகவும் ஆரோக்கியமாக இருந்ததையும், சந்ததி எண்ணிக்கையில் அதிகரித்ததையும் கண்டறிந்தார். அதன் முடிவுகளை மனித குலத்துக்கும் பொருத்தி பார்த்துதான் அந்த முடிவுக்கு அவர் வந்தார்.'டார்வினின் பயத்துக்கான காரணத்தை கண்டறிய விரும்பினேன். அவரது பயம் சரிதான் என் பது இப்போது தெளிவாகி விட்டது. அவருக்கு நவீன தோற்றவியல் குறித்து எதுவும் தெரியாது. அவர் ஒட்டு முறையில் தாவரங்களை உருவாக்கி பார்த்து, அதன் முடிவுகளை மனித குலத்தோடும் பொருத்தி பார்த்தார்' என்கிறார் பெர்ரா.
விரிவாக படிக்க இங்கே கிளிக் செய்யுங்கள்

கன்னியாகுமரி காடுகளில் கணக்கெடுப்பில் 57 யானைகள்

தமிழகத்தில் கன்னியாகுமரி மாவட்டத்தில் உள்ள காடுகளில் வனத்துறையினர் நடத்திய கணக்கெடுப்பில், 57 யானைகள் இருப்பது தெரியவந்துள்ளது. தமிழகத்தில் கடைக்கோடி மாவட்டமான, கன்னியாகுமரியில் சில தினங்களாக வனத்துறையினர், அங்குள்ள காடுகளில் யானைகளின் எண்ணிக்கை குறித்து கணக்கெடுப்பு பணிகளை நடத்தி வருகின்றனர். மாவட்டத்தில் உள்ள பூதப்பாண்டி, வேளிமலை சரகங்களில் யானைகள் எதுவும் தென்படவில்லை. ஆனால், குளியல், அழகிய பாண்டியபுரம் சரகங்களில் கணக்கெடுப்பில் 18 யானைகள் தென்பட்டன. அதேபோல், குலசேகரபுரம் சரகத்தில் 21 யானைகளும் இருப்பது தெரியவந்தது.

இது தவிர மேலும் சில பகுதிகளில் 18 யானைகள் தென்பட்டன.கடந்தாண்டு இதே காலக்கட்டத்தில் இம்மாவட்டத்தில் 60க்கும் அதிகமான யானைகள் இருப்பதாக கணக்கிடப்பட்டிருந்தது. ஆனால், இவ்வாண்டு இதுவரை கன்னியாகுமரி மாவட்டத்தில் மட்டும்தமிழக-கேரள எல்லையை ஒட்டி அமைந்துள்ள காடுகளில், யானைகள் இங்கும் அங்குமாக இடம் பெயர்வது உண்டு. சபரிமலை சீசன் காலத்தில் கேரளாவில் இருந்து யானைகள் தமிழக காடுகளுக்கும், இங்கு கோடை காலத்தில் நீர் கிடைக்காமல் யானைகள் கேரள காடுகளுக்கும் செல்வது உண்டு.தற்போது கேரளாவிலும், தமிழகத்திலும் கோடை வெயில் வறுத்தெடுத்து வருகிறது.

கேரளாவில் இன்னும் பருவமழை துவங்க சிறிது நாட்கள் உள்ள நிலையில், இரு மாநிலத்திலும் ஒரே நேரத்தில் காடுகளில் யானைகளை கணக்கெடுக்கும் பணி நடந்து வருகிறது.பொதுவாக காடுகளில் யானைகள் குறித்து, கணக்கெடுக்கும் பணி யானைகளின் மலம், கால் தடங்கள், கால் தடத்தின் அளவு ஆகியவை கொண்டு தான் கணக்கிடப்பட்டு வருகிறது. ஆனால், தற்போது யானைகளை நேரில் கண்ட பின் தான் கணக்கிடப்படுகிறது.ஒவ்வொரு காட்டிலும், 500 எக்டேர் நிலப் பரப்பில் மூன்று பேர் கொண்ட குழு தான் இதற்கான கணக்கெடுக்கும் பணியில் ஈடுபட்டு வருகிறது. இவ்வாறு, 40 குழுக்கள் பல்வேறு காடுகளில் அலைந்து தான் யானைகளின் மேற்கண்ட கணக்கு விவரம் கிடைத்துள்ளது.
விரிவாக படிக்க இங்கே கிளிக் செய்யுங்கள்

மிகவும் வெப்பமான ஆண்டு 2010 : நான்கு மாத ஆய்வில் வெளியானது

வாஷிங்டன் : 'உலக வரலாற்றில் 2010ம் ஆண்டு தான் மிகவும் வெப்பமான ஆண்டு என, அமெரிக்க வானிலை ஆராய்ச்சியாளர்கள் தெரிவித்துள்ளனர்.

அமெரிக்க வானிலை ஆராய்ச்சியாளர்கள் கூறியதாவது:சர்வதேச அளவில் நிலம் மற்றும் கடலின் மேற்பரப்பில் நிலவிய வெப்பநிலையை கணக்கிட்டு பார்த்து, ஒரு ஆய்வு மேற்கொள்ளப்பட்டுள்ளது. குறிப்பாக, கடந்த ஜனவரியிலிருந்து ஏப்ரல் வரையிலான நான்கு மாதங்கள், இந்த ஆய்வு மேற்கொள்ளப்பட்டுள்ளது. உலகில் உள்ள நாடுகளிலுள்ள வெப்பநிலை முழுவதையும் ஆய்வு செய்து, அதன் சராசரி அளவை சேகரித்தனர்.இதில், உலக வரலாற்றில் இதுவரை இல்லாத அளவுக்கு, இந்தாண்டு தான் மிகவும் வெப்பமான ஆண்டு என்பது தெரிய வந்துள்ளது. இந்த நான்கு மாதங்களில், உலகின் சராசரி வெப்ப நிலை 13.3 டிகிரி செல்சியஸ் ஆக இருந்தது. இது, கடந்த 20ம் நூற்றாண்டில் நிலவிய சராசரி வெப்பநிலையை விட 0.69 டிகிரி செல்சியஸ் அதிகம். இதேபோல், இந்த நான்கு மாதங்களில், ஏப்ரல் தான் அதிகம் வெப்பமான மாதமாக இருந்துள்ளது.இவ்வாறு வானிலை ஆராய்ச்சியாளர்கள் தெரிவித்துள்ளனர்.
விரிவாக படிக்க இங்கே கிளிக் செய்யுங்கள்

இன்ஜினியரிங் கல்லூரி கட்ஆப் குறைப்பு !

2010 கல்வி ஆண்டில் இன்ஜினியரிங் கல்லூரிகளில் சேர்வதற்கான கட் ஆப் ( தகுதி மதிப்பெண் ) குறைக்கப்பட்டுள்ளதாக உயர்கல்வித் துறை அமைச்சர் பொன்முடி தெரிவித்தார். மாற்றி அமைக்கப்பட்ட விகிதத்தின் அடிப்படையில் பொதுப்பிரிவு மாணவர்களுக்கான இன்ஜினியரிங் கட் ஆப் 55 சதவீதத்தில் இருந்து 50 சதவீதமாக குறைக்கப்பட்டு்ள்ளது. பிற்படுத்தப்பட்ட மாணவர்களுக்கு 45 சதவீதமாகவும், மிகவும் பிற்படுத்தப்பட்ட மாணவர்களுக்கான கட் ஆப் 40 சதவீதமாகவும், எஸ்.சி., எஸ்.டி., மாணவர்களுக்கான கட் ஆப் 35 சதவீதமாகவும் குறைக்கப்பட்டுள்ளது.

பொன்முடி நிருபர்களுக்கு அளித்த பேட்டியில் இன்ஜினியரிங் கல்லூரிகளில் மாணவர் ‌சேர்க்கைக்கான கட் ஆப் மதிப்பெண்களை குறைக்க வேண்டும் என இன்ஜினியரிங் கல்லூரிகளின் நிர்வாகிகள், முதல்வர்கள், சட்டசபை உறுப்பினர்கள் ஆகியோர் கேட்டுக்கொண்டதற்கு இணங்கி கட் ஆப் மதிப்பெண்ணை குறைத்துள்ளதாக தெரிவித்தார். இதனால் இவ்வாண்டு இன்ஜினியரிங் கல்லூரிகளில் அனைத்து இடங்களும் நிரப்பப்படும். மாணவர்களின் விருப்பமும் நிறைவேறும். மேலும் கடந்த ஆண்டை விட இந்த ஆண்டு மாணவர் சேர்க்கையும் அதிகரிக்கும். மாணவர் சேர்க்கைக்கான குறைந்தபட்ச மதிப்பெண் குறைக்கப்பட்டிருப்பதுடன் ஒரு குடும்பத்தின் முதல் பட்டதாரி மாணவருக்குரிய இன்ஜினியரிங் படிப்பு கல்விக் கட்டண தொகையை அரசே செலுத்துவதாலும் மாணவர் சேர்க்கை அதிகரிக்கும் என்றார்.
விரிவாக படிக்க இங்கே கிளிக் செய்யுங்கள்

ஒரு பள்ளிக்கு 100 மரக்கன்று அரசு அதிரடி திட்டம்


புவி வெப்பமாவதைத் தடுக்க, ஒரு பள்ளிக்கு 100 மரக்கன்றுகள் நடும் திட்டம் செயல்படுத்தப்பட உள்ளது.புவியின் வெப்பம் அதிகரித்து வருவதால், பருவநிலைகளில் மாற்றம் ஏற்படுகிறது. பனிமலைகள் உருகி, கடல் மட்டம் உயர்ந்து நிலப்பகுதிகள் அழியும் அபாயம் எதிர்நோக்கியுள்ளது.புவி வெப்பமாவதற்கு மரங்கள் வெட்டப்படுவது, சுற்றுச்சூழல் மாசு உள்ளிட்ட பல காரணங்கள் உள்ளன.

அதிகளவில் மரங்கள் வளர்த்தால் மட்டுமே வெப்பம் அதிகரிப்பதை தடுக்க முடியும் என்ற நிலை உள்ளது. இதனால், மரம் வளர்ப்பு திட்டத்தை பள்ளிகளில் தீவிரப்படுத்த அரசு முடிவு செய்துள்ளது.100 மரம்: வரும் கல்வி ஆண்டில், ஒவ்வொரு பள்ளியிலும் 100 மரக்கன்றுகளை நடுவதற்கும், அவற்றை மாவட்ட நிர்வாகத்தின் ஒத்துழைப்போடு பெறவும், முதன்மை கல்வி அலுவலர்களுக்கு உத்தரவிடப்பட்டுள்ளது.

இதே போல, மாணவர்களிடையே தீவிரவாத எதிர்ப்பு எண்ணத்தை ஏற்படுத்தும் நோக்கில், வரும் 21ம் தேதி, கட்டுரை, பேச்சு, பாட்டுப் போட்டிகள் நடத்தவும் உத்தரவிட்டுள்ளது.

விரிவாக படிக்க இங்கே கிளிக் செய்யுங்கள்

அரசு பள்ளி ஆங்கில ஆசிரியர்களுக்கு பிரிட்டிஷ் கவுன்சில் மூலம் பயிற்சி

டில்லி, தமிழகம், கேரளா, பஞ்சாப் உள்ளிட்ட ஏழு மாநிலங்கள் பிரிட்டிஷ் கவுன்சிலுடன் இணைந்து, திறன்மிக்க ஆங்கில ஆசிரியர்களை உருவாக்க ஒப்பந்தம் செய்யப்பட்டுள்ளது. அரசு பள்ளி ஆங்கில ஆசிரியர்களுக்கான இந்த பயிற்சியின் மூலம், சர்வதேச அளவிலான ஆங்கில திறனை, அரசு பள்ளி குழந்தைகள் பெறும் வாய்ப்பு அதிகரிக்கும்.

மொழிகள் பல இருந்தாலும் ஆங்கிலத்திற்கு, உலக அளவில் அதிக முக்கியத்துவம் தரப்படுகிறது. ஆங்கிலம் பேசுபவர் கள் தான், உலகத்தில் பல நாடுகளில் உள்ளனர். ஆங்கிலம் தெரிந்தால், உலகை வலம் வருவது எளிது. ஆங்கிலம் படித்தால் வேலை வாய்ப்பு அதிகமென, இன்றைய இளைஞர்கள் கருதுகின்றனர். இந்தியாவில் ஆங்கிலம் பேசுபவர் களின் எண்ணிக்கை அதிகரித்து வருகிறது. இதனால், ஆங்கில திறனை சோதிக்கும் டோபல் மற்றும் ஐ.இ.எல்.டி.எஸ்., தேர்வுக்கு மவுசு அதிகரித்துள்ளது.

அமெரிக்கா மற்றும் இங்கிலாந்து நாடுகளுக்கு படிக்கவும், வேலை தேடியும் செல்லும் இந்திய இளைஞர்கள், டோபல் மற்றும் ஐ.இ.எல்.டி.எஸ்., தேர்வுகளில் வெற்றிபெற வேண்டியது கட்டாயம். இந்த தேர்வின் சான்றிதழுக்கு, இந்திய சந்தையில் நல்ல மதிப்பு உள்ளது. இந்நிலையில், ஐதராபாத்திலுள்ள ஆங்கிலம் மற்றும் வெளிநாட்டு மொழி பல்கலைக்கழகம் அகில இந்திய ஆங்கில மொழி சோதனை ஆணையத்தை ஏற்படுத்தி, அதில் ஆங்கில மொழி திறனை அதிகரிக்கும், டோபல் மற்றும் ஐ.இ.எல்.டி.எஸ்., அளவிற்கு தரப்படுத்தப் பட்ட தேர்வுகளை நடத்த முடிவு செய்துள்ளது. இந்த தேர்வு வரும், 30ம் தேதி நடத்தப்படுகிறது. 'இந்த ஆண்டு முதல் சி.பி.எஸ்.இ., பத்தாம் வகுப்பு மாணவர்களுக்கு பொதுத்தேர்வு இல்லை என்பதால், இம் மாணவர் களுக்கு ஆங்கில திறன் தேர்வை நடத்துவது குறித்து, மத்திய மேல்நிலை கல்வி வாரியத்துடன் ஆலோசனை செய்து வருவதாக, இப்பல்கலை நிர்வாகம் கூறியுள்ளது.
இந்த ஆங்கில திறன் தேர்வுகள், பத்தாம் வகுப்பு, பட்டப்படிப்பு, முதுகலை பட்டப்படிப்பு என மூன்று நிலைகளில் நடத்தப்படும். தேர்வில் வெற்றி பெற்றவர்களுக்கு, திறமை சான்றிதழ் வழங்கப்படும். வெளிநாடுகளில் இந்த தேர்வை எழுத 8,000 ரூபாய் வரை செலவாகிறது. ஆனால், இந்தியாவில் 1,500 ரூபாய் மட்டுமே ஆகும். படிக் கவும், எழுதவும், தொடர்ச்சியாக பேசவும், பேசுவதை கவனிப்பது ஆகிய திறன்கள் இம்முறையில் சோதிக்கப்படுகின்றன.

உலக அளவில் திறன் போட்டிகளை நடத்த, கேம்பிரிஜ் பல்கலைக் கழகத்துடன், இந்திய ஆங்கில மொழி ஆணையம் பேச்சுவார்த்தை நடத்தி வருகிறது. தற்போது, அரசு பள்ளிகளிலும் ஆங்கி லத்தின் முக்கியத்துவம் உணரப்பட்டுள்ளது.எனவே, டில்லி, தமிழகம், கேரளா, பஞ்சாப் உள்ளிட்ட ஏழு மாநிலங் கள் பிரிட்டிஷ் கவுன்சிலுடன் இணைந்து, திறன்மிக்க ஆங்கில ஆசிரியர்களை உருவாக்கும் பணி நடந்து வருகிறது. அரசு பள்ளி ஆங்கில ஆசிரியர் களுக்கான இந்தபயிற்சியின் மூலம், சர்வதேச அளவிலான ஆங்கில திறனை அரசு பள்ளி குழந்தைகள் பெறும் வாய்ப்பு அதிகரிக்கும்.
விரிவாக படிக்க இங்கே கிளிக் செய்யுங்கள்

தொடக்கக் கல்வி ஆசிரியர்களுக்கு 17ம் தேதி கவுன்சிலிங்

தொடக்கக் கல்வித் துறையின் கீழ் செயல்படும் அரசு, நகராட்சி, ஊராட்சி ஒன்றிய தொடக்க மற்றும் நடுநிலைப் பள்ளி ஆசிரியர்களுக்கான பொது மாறுதல் மற்றும் பதவி உயர்வு கவுன்சிலிங் நாளை முதல் 25ம் தேதி வரை நடக்கிறது.

தொடக்கக் கல்வி இயக்குனரகம் வெளியிட்டுள்ள செய்திக்குறிப்பு: காஞ்சிபுரம் மாவட்டத்தைச் சேர்ந்த ஊராட்சி ஒன்றிய, நகராட்சி, தொடக்க மற்றும் நடுநிலைப் பள்ளி ஆசிரியர்களுக்கான பொதுமாறுதல் மற்றும் கவுன்சிலிங், இணையதளம் மூலமாக நாளை காலை 9 மணிக்கு கிழக்கு தாம்பரம் ஜெயகோபால் கரோடியா தேசிய மேல்நிலைப் பள்ளியில், தொடக்கக் கல்வி இயக்குனர் முன்னிலையில் நடக்கிறது. இதன் அடிப்படையில் மற்ற மாவட்டங்களில் 20ம் தேதி முதல் கவுன்சிலிங் நடக்கவுள்ளது. மற்ற மாவட்டங்களிலிருந்து காஞ்சிபுரம் மாவட்டத்திற்கு மாறுதல் கோரும் பட்டதாரி ஆசிரியர்கள் மற்றும் இடைநிலை ஆசிரியர்களுக்கான கவுன்சிலிங் 25ம் தேதி நடைபெறும்.

காஞ்சிபுரம் தவிர மற்ற மாவட்ட ஆசிரியர்களுக்கான பொதுமாறுதல் மற்றும் பதவி உயர்வு கவுன்சிலிங் 20ம் தேதி முதல் 25ம் தேதி வரை அந்தந்த மாவட்டங்களில் நடக்கிறது. 20ம் தேதி காலையில் நடுநிலைப் பள்ளி தலைமை ஆசிரியர் மாறுதல் மற்றும் பதவி உயர்வு, உயர்நிலைப் பள்ளியாக தரம் உயர்த்தப்பட்ட நடுநிலைப் பள்ளிகளில் 6, 7, 8 வகுப்புகளில் பணிபுரிந்து உயர்நிலைப் பள்ளிக்கு ஈர்த்துக் கொள்ளப்படாத பட்டதாரி ஆசிரியர்களுக்கான மாறுதல் நடைபெறும். பிற்பகலில் பட்டதாரி, தமிழ் ஆசிரியர்கள் ஒன்றியத்திற்குள் மாறுதல் மற்றும் பதவி உயர்வுக்கான கவுன்சிலிங் நடைபெறும். 21ம் தேதி காலையில் தொடக்கப் பள்ளி தலைமை ஆசிரியர்கள் மாறுதல் மற்றும் பதவி உயர்வு கவுன்சிலிங்கும், பிற்பகலில் உயர்நிலை பள்ளியாக தரம் உயர்ந்த நடுநிலைப் பள்ளி 6, 7, 8, வகுப்புகளில் பணிபுரிந்து உயர்நிலைப் பள்ளிக்கு ஈர்த்துக் கொள்ளப்படாத இடைநிலை ஆசிரியர்கள் மற்றும் அந்த ஒன்றியத்தில் உபரி இடைநிலை ஆசிரியர்களுக்கான பணி நிரவல் கவுன்சிலிங் நடைபெறும்.

வரும் 24ம் தேதி காலையில், இடைநிலை ஆசிரியர்கள் ஒன்றியத்திற்குள் மாறுதல், பிற்பகலில் இடைநிலை ஆசிரியர்கள் ஒன்றியம் விட்டு ஒன்றியம் மாறுதல் மற்றும் பட்டதாரி ஆசிரியர்கள் ஒன்றியம் விட்டு ஒன்றியம் மாறுதல் கவுன்சிலிங் நடைபெறும். 25ம் தேதி காலையில் இடைநிலை ஆசிரியர்கள் மாவட்டம் விட்டு மாவட்டம் மாறுதல், பிற்பகலில் பட்டதாரி ஆசிரியர்கள் மாவட்டம் விட்டு மாவட்டம் மாறுதல் அந்தந்த மாவட்ட கவுன்சிலிங் மையங்களில் நடைபெறும். இவ்வாறு செய்திக்குறிப்பில் கூறப்பட்டுள்ளது.

விரிவாக படிக்க இங்கே கிளிக் செய்யுங்கள்

இந்திய ஏழைகள் எண்ணிக்கை 40 கோடியாக எகிறும்

நாட்டில் வரும் 2011ம் ஆண்டு மார்ச் மாதத்தில் ஏழைகளின் எண்ணிக்கை 40 கோடியாக அதிகரிக்கும், எனவே உணவு தானிய உற்பத்தியை பெருக்க வேண்டுமென மத்திய திட்டக்கமிஷன் தெரிவித்துள்ளது.

உணவு பாதுகாப்பு சட்டத்தை அமல்படுத்துவதற்காக அமைக் கப்பட்ட மத்திய அமைச்சர் களை கொண்ட குழுவின் கூட் டம், கடந்த வாரம் நடந்தது. இக்கூட்டத்திற்கு, மத்திய நிதி அமைச்சர் பிரணாப் முகர்ஜி தலைமை வகித்தார்.இதில் உணவு பாதுகாப்பு சட்டத்தை செயல்படுத்துவது குறித்து, ஆராய அமைக்கப் பட்ட சுரேஷ் டெண்டுல்கர் கமிட்டி, அறிக்கை தாக்கல் செய்து சில பரிந்துரைகளை தெரிவித்துள்ளது.

இந்த அறிக்கைபடி, நாட்டில் ஏழைகளின் எண்ணிக்கை, கடந்த 2005ம் ஆண்டு 37 கோடியாக இருந்தது. ஆனால் 2011ம் ஆண்டு மார்ச் மாதம் இந்த எண்ணிக்கை உயர்ந்து, 40.5 கோடியாக இருக்கும். இதன்படி நடப்பு ஐந்தாண்டு திட்டத்தின் முடிவில், ஏழைகளின் எண்ணிக்கை 3.5 கோடி உயர்ந்துவிடும். எனவே உணவு தானிய தேவைகளும் பன்மடங்கு உயரும்.நாட்டிலுள்ள ஏழைகள் கணக் கெடுப்பு அடிப்படையில், ஆண்டுக்கு 34 மில்லியன் டன் உணவு தானியங்கள் தேவைப்படுகின்றன. இதற்காக மத்திய அரசு,மாநில அரசுகளுக்கு 54 ஆயிரம் கோடி ரூபாயை மானியமாக அளிக்கிறது.2005ம் ஆண்டின் ஏழைகள் கணக்கெடுப்பின்படி வழங்கப் பட்ட மானியத்தை விட, 6 ஆயிரம் கோடி ரூபாய் கூடுதலாகும். 2010-11ம் ஆண்டில் உணவு மானியம் 55 ஆயிரம் கோடி ரூபாயாக அரசு அறிவித்துள் ளது.தற்போதைய ஏழைகளின் கணக்கெடுப்பின் அடிப்படையில் இந்த தொகை மிகக்குறைவு என்பதுதான் உண்மை.

எனவே ஏழைகளுக்கு அளிக் கப்படும் உணவு மானிய தொகையை தோராயமாக கணக் கிட்டு, வறுமைக் கோட்டுக்கு கீழ் உள்ள ஒவ்வொருவருக்கும் 6 கிலோவும், ஒரு குடும்பத் திற்கு மாதம் 35 கிலோ உணவு தானியம் கிடைக்கும் வகையில், மானியம் வழங்க வேண்டுமென கமிட்டி பரிந்துரை செய்துள்ளது.இதனை நிதி அமைச்சர் பிரணாப் முகர்ஜி தலைமையிலான அமைச்சரவை குழு ஏற்றுக் கொண்டது.மேலும் ஏற்கனவே ஒப்புதல் வழங்கப்பட்ட உணவு பாதுகாப்பு சட்டத்தை அமல்படுத்துவதிலுள்ள, நடைமுறை சிக்கல் களை கருத்தில் கொண்டு, அதில் சில மாறுதல்களை செய்யுமாறு, காங்கிரஸ் தலைவர் சோனியா, அரசுக்கு விடுத்த வேண்டுகோளையும் அமைச்சரவை குழு ஏற்றது.

மேலும் கமிட்டி அளித்துள்ள மற்றொரு பரிந்துரையில், மாநில அரசுகள் பொது வினியோக திட்டத்தை முறைபடுத்த வேண்டும்.மத்திய அரசு அளிக்கும் மானியம் பயனாளிகளை நேரடியாக செல்லும் வகையில், பொது வினியோக முறை இருக்க வேண்டும்.இதற்காக பொது வினியோக முறை திட்டத்தை, தேசிய அடையாள அட்டை திட்டத்தை அடிப்படையாக கொண்டு செயல்படுத்த வேண்டும் அல் லது டில்லி மற்றும் சண்டிகர் நகரங்களில் செயல்படுத்தப் பட்டுள்ள முன்னோடி திட்டம் போன்று,வறுமைக் கோட்டுக்கு கீழ் உள்ள குடும்பங்களுக்கு ஸ்மார்ட் கார்டு வழங்கி, பொது வினியோக திட்டத்தை செயல்படுத்த, மாநில அரசுகள் முன்வர வேண்டும் என பரிந்துரை செய்துள்ளது.இந்நிலையில் உணவு பாதுகாப்பு சட்டத்தின்படி, நாட்டில் வறுமைக் கோட்டுக்கு மேல் உள்ள 11.52 கோடி குடும் பங்களை பொதுவினியோக திட்டத்தில் சேர்ப்பது குறித்து, அமைச்சரவை குழு முடிவு எடுக்கப்படவில்லை என்பது குறிப்பிடத்தக்கது.
விரிவாக படிக்க இங்கே கிளிக் செய்யுங்கள்

பிளஸ் டூ மாவட்ட வாரி தேர்ச்சி விபரம் 2010

விரிவாக படிக்க இங்கே கிளிக் செய்யுங்கள்

TEACHER TRANSFER COUNSELLING NEWS | KALVISOLAI | TEACHERS GENERAL COUNSELLING 2013-2014 | ஆசிரியர் பொது மாறுதல் கலந்தாய்வு 2013-2014

விரிவாக படிக்க இங்கே கிளிக் செய்யுங்கள்

மக்கள்தொகை கணக்கெடுப்பு பணி ஆசிரியர்கள் மாறுதலுக்கு காலஅவகாசம்

மக்கள் தொகை கணக்கெடுப்பு பணியில் ஈடுபடும் ஆசிரியர்கள், கவுன்சிலிங்கில் இடமாறுதல் பெற்றால், ஜூலை 31ல் பழைய இடத்திலிருந்து விடுவிக்கப்பட்டு, ஆக.,2 ல் புதிய இடத்தில் பணி ஏற்க பள்ளிக்கல்வித்துறை உத்தரவிட்டுள்ளது.

அரசு, நகராட்சி, உயர்நிலை, மேல்நிலைப்பள்ளியில் பணிபுரியும் ஆசிரியர்கள் பொது மாறுதலுக்கான கவுன்சிலிங், மே 18 மற்றும் மே19 ஆகிய தேதிகளிலும், தலைமையாசிரியர்களுக்கு மே 18ம் தேதியும் நடக்க உள்ளது.கவுன்சிலிங் நடத்துவதற்கு முதன்மை கல்வி அலுவலர், மாவட்ட கல்வி அலுவலர் தலைமை வகிப்பர். உயர்நிலை, மேல் நிலைப்பள்ளி தலைமையாசிரியர் இரண்டு பேர், கண்காணிப்பாளர், உதவியாளர், இளநிலை உதவியாளர், டைப்பிஸ்ட், அலுவலக உதவியாளர் என ஏழு பேர் அடங்கிய குழு அமைத்து கவுன்சிலிங் நடத்த வேண்டும்.

கவுன்சிலிங்கில் இடமாறுதல் பெறும் ஆசிரியர்கள், மக்கள் தொகை கணக்கெடுப்பு பணியில் இருந்தால், பழைய இடத்தில் ஜூலை 30 வரை பணி செய்ய வேண்டும். ஜூலை 31ல் பணியிலிருந்து விடுவிக்கப்பட்டு, ஆக., 2ல் மாறுதல் பெற்ற இடத்தில் பணி ஏற்க வேண்டும். ஆக. 2 ல் பணி ஏற்றாலும் அவர் அந்த கல்வியாண்டில் முழுமையாக பணியாற்றியவராக கருதப்பட்டு, அடுத்த கவுன்சிலிங்கில் பொது மாறுதல் பெற தகுதியுடையவர் என அறிவிக்கப்பட்டுள்ளது.

மேலும் கவுன்சிலிங் நடத்தும் இடத்தில் சட்டம், ஒழுங்கு பிரச்னைகள் ஏற்படாமல் இருக்க தேவையான போலீஸ் பாதுகாப்பு ஏற்பாடுகளை முதன்மை கல்வி அதிகாரிகள் செய்ய வேண்டும் என பள்ளிக்கல்வி செயலாளர் குற்றாலலிங்கம் உத்தரவிட்டுள்ளார்.
விரிவாக படிக்க இங்கே கிளிக் செய்யுங்கள்

பாடவாரியாக முதல் 3 இடங்கள் பிடித்தவர்கள்

தமிழ்

1. மோனிஷா-197,
எஸ்.ஆர்.வி. மேல்நிலைப் பள்ளி, ராசிபுரம், நாமக்கல் மாவட்டம்.
2. காயத்திரி-197
எஸ்.வி. மந்திர் மேல்நிலைப்பள்ளி,
ஊத்தங்கரை, கிருஷ்ணகிரி மாவட்டம்.
3. மணிவண்ணன்-197,
சரஸ்வதி மேல்நிலைப்பள்ளி, அம்மாபாளையம், சேலம்.

ஆங்கிலம்

1. வெங்கடேஷ்-196,
சன்பீம் மெட்ரிக்குலேசன் பள்ளி,
மேட்டுக்குளம் வேலூர், திருப்பத்தூர்.
2. காருண்யா-195,
எஸ்.வி. மந்திர் மெட்ரிக்குலேசன் பள்ளி,
ஊத்தங்கரை, கிருஷ்ணகிரி.
2. கிருத்திகா-195, சீதா தேவி
கரோடியா மெட்ரிக்குலேசன், தாம்பரம்.
3. மனோபிரவீன்-195,
வித்யாவிகாஷ் மெட்ரிகுலேசன் பள்ளி, நாமக்கல்.

கணிதம்

1. பாண்டியன்-200,
எஸ்.வி. இந்து மேல்நிலைப் பள்ளி, தூத்துக்குடி.
2. தினேஷ்-200,
எஸ்.வி. மந்திர் மேல்நிலைப்பள்ளி,
ஊத்தங்கரை, கிருஷ்ணகிரி.
3. அபிநயா-200,
 பி.வி.பி. மேல்நிலைப்பள்ளி, திண்டல், ஈரோடு.

கம்ப்யூட்டர் சயின்ஸ்

1. பாண்டியன்-200,
எஸ்.வி. இந்து வித்யாலயா மேல்நிலைப்பள்ளி, தூத்துக்குடி.
2. சரவணன்-200,
குறிஞ்சி மெட்ரிக்குலேசன் மேல்நிலைப்பள்ளி, நாமக்கல்.
3. சதீஷ்குமார்-200,
பொன்னு மெட்ரிக்குலேசன் மேல்நிலைப்பள்ளி, தாராபுரம், ஈரோடு.

இயற்பியல்

1. பாண்டியன்-200,
எஸ்.வி. இந்து வித்யாலயா மேல்நிலைப்பள்ளி, தூத்துக்குடி.
2. தினேஷ்-200,
எஸ்.வி. மந்திர் மெட்ரிகுலேசன் பள்ளி, ஊத்தங்கரை, கிருஷ்ணகிரி.
3. அபிநயா-200,
பி.வி.பி. மெட்ரிக்குலேசன் பள்ளி, திண்டல், ஈரோடு.

வேதியியல்

1. பாண்டியன்-200,
எஸ்.வி. இந்து வித்யாலயா மேல்நிலைப்பள்ளி, தூத்துக்குடி.
2. தினேஷ்-200,
 எஸ்.வி. மந்திர் மெட்ரிகுலேசன், ஊத் தங்கரை, கிருஷ்ணகிரி.
 3. அபிநயா-200,
 பி.வி.பி. மெட்ரிக்குலேசன் மேல் நிலைப்பள்ளி, திண்டல், ஈரோடு.

உயிரியல்

1. தினேஷ்-200,
எஸ்.வி. மந்திர் மெட்ரிகுலேசன் பள்ளி, ஊத்தங்கரை, கிருஷ்ணகிரி.
2. அபிநயா-200,
பி.வி.பி. மெட்ரிக்குலேசன் மேல் நிலைப்பள்ளி, திண்டல், ஈரோடு.
3. விக்னேஸ்வரன்-200,
 வித்யாவிகாஸ் மெட்ரிக்கு லேசன் பள்ளி, நாமக்கல்.

தாவரவியல்

1. ஜெனிஷா-200,
செயிண்ட் லாரன்ஸ் மேல்நிலைப்பள்ளி, மதாத்துவிளை, தக்கலை.
2. ராமலட்சுமி-200,
எஸ்.பி.கே. மகளிர் மேல் நிலைப்பள்ளி, அருப்புக்கோட்டை.
3. பிரீத்தா-200,
ஹோலி கிராஸ் மெட்ரிக்குலேசன், வேலூர்.

விலங்கியல்

1. ஜெனிதா எட்வின்- 200,
 கிறிஸ்துராஜா மெட்ரிக்குலேசன், மார்த்தாண்டம், குளித்துறை.
2. கற்பக மதுபதி-199,
 செயிண்ட் அலோசியஸ், மகளிர் மேல்நிலைப்பள்ளி, தூத்துக்குடி.
3. சர்வத்நவீன்-199,
ஹசனத் ஜரியா மகளிர் மேல்நிலைப்பள்ளி, ஆம்பூர், திருப்பத்தூர்.

புள்ளியல்

1. தீரஜ்-200,
பி.வி.பி. மெட்ரிக்குலேசன் மேல் நிலைப்பள்ளி, திண்டல், ஈரோடு.
2. ராஜ்குமார்-200,
 பி.வி.பி. மெட்ரிக்குலேசன் மேல்நிலைப்பள்ளி, திண்டல், ஈரோடு.
3. நிவேதிதா-200,
பி.வி.பி. மெட்ரிக்குலேசன் மேல்நிலைப்பள்ளி, திண்டல், ஈரோடு.

வரலாறு

1. கார்த்திகா-199,
 பசுபதீஸ்வரா மேல்நிலைப்பள்ளி, கரூர்.
2. ராதிகா-199,
பி.எஸ்.ஜி. ஆர்.கே.ஜி. மேல்நிலைப் பள்ளி, பீளமேடு, கோவை.
3. மேரி ஸ்டெல்லா-199,
அலங்கார அன்னை மேல் நிலைப்பள்ளி, வி.ஆர். பேட்டை, உடையார்பாளையம்.

புவியியல்

1. பரமேஸ்வரி-197,
அவ்வை மாநகராட்சி பள்ளி, மதுரை.
2. ஜெயபிரியா-197, மனு மேல்நிலைப்பள்ளி, மதுரை.
3. ஜாஸ்மின்-196,
எஸ்.ஏ. நாடார் மேல்நிலைப்பள்ளி, நாகலாபுரம், கோவில் பட்டி.

பொருளாதாரம்

1. சுவப்னா சாரா குருவில்லா-200,
குளூனி மேல் நிலைப்பள்ளி, புதுச்சேரி.
2. யாகியா-200, சேரன் மேல்நிலைப்பள்ளி, கரூர்.
3. புவனேசுவரி-200,
வியாசவித்யா மேல்நிலைப் பள்ளி, புழுதிவாக்கம், சென்னை.

வணிகவியல்

1. ஜெயலட்சுமி-200,
டி.எஸ். மேல்நிலைப்பள்ளி, பெரம்பலூர்.
2. யாக்னபிரியா-200,
மகரிஷி வித்யாலயா மேல் நிலைப்பள்ளி, சென்னை.
3. அர்ச்சனா-200,
வேல்ஸ் மேல்நிலைப்பள்ளி, பல்லாவரம், சென்னை.

அக்கவுண்டன்சி

1. சுவப்னா சாரா குரு வில்லா-200,
குளூனி மேல் நிலைப்பள்ளி, புதுச்சேரி.
2. யாக்னபிரியா-200,
மகரிஷி வித்யாலயா மேல் நிலைப்பள்ளி, சென்னை.
3. அர்ச்சனா-200,
வேல்ஸ் மேல்நிலைப்பள்ளி, பல்லா வரம், சென்னை.

பவுண்டேசன் சயின்ஸ்

1. சங்கரேஸ்வரி-186,
செயிண்ட் இக்னேசியஸ் மகளிர் மேல்நிலைப்பள்ளி, பாளையங்கோட்டை.
2. மகாரிஷி-182,
செயிண்ட் இக்னேசியஷ் மகளிர் மேல்நிலைப்பள்ளி, பாளையங்கோட்டை.
3. பாண்டியம்மாள்-182,
ஆர்.சி.எல்.எப். மகளிர் மேல் நிலைப்பள்ளி, உசிலம் பட்டி.

பிரெஞ்சு

1. கிருஷ்ணபிரியா-198,
எஸ்.பி.கே.வி.எம். மேல் நிலைப்பள்ளி, கோவை.
2. மோனிகா-198,
எஸ்.பி. கே.வ.எம். மேல்நிலைப் பள்ளி, கோவை.
3. சுவப்னாசாரா குரு வில்லா-198,
குளூனி மேல் நிலைப்பள்ளி, புதுச்சேரி.

அரபி

1. ஹிப்சுர் ரகுமான்- 194,
முர்துசவியா மேல் நிலைப்பள்ளி, சென்னை.
2. சஜிதா பாத்திமா-192,
யூ.எச்.ஏ. அரபி மேல்நிலைப் பள்ளி, கரூர்.
3. தகீருல்லா ஷெரீப்- 191,
முர்துசவியா மேல் நிலைப்பள்ளி, சென்னை.

இந்தி

1. பூஜாபாண்டே-197,
ஆட்டோமிக் எனர்ஜி மேல் நிலைப்பள்ளி, கல்பாக்கம்.
2. மாதவி-197,
கேசரி மேல் நிலைப்பள்ளி, மயிலாப்பூர், சென்னை.
3. பயல் அசேர்-196,
சி.எஸ்.ஐ. எவர்ட் மேல் நிலைப்பள்ளி, சென்னை.

கன்னடம்

1. மதுஸ்ரீ-188,
மகரிஷி மேல்நிலைப்பள்ளி, ஓசூர்.
2. தத்தா மதாயி-186,
 அரசு மேல்நிலைப்பள்ளி, தாளவாடி, கோபிசெட்டிப் பாளையம்.
3. காவ்யா-184
மகரிஷி மேல்நிலைப்பள்ளி, ஓசூர்.

மலையாளம்

1. கிளிஞ்சி-193,
பாரத் மாதா மேல்நிலைப்பள்ளி, உப்பட்டி, கூடலூர்.
2. சினி -192,
சி.எம்.எஸ். மேல்நிலைப்பள்ளி, கணபதி, கோவை.
3 அஸ்வதி கிருஷ்ணா-192,
கேரள வித்யாலயா மேல் நிலைப்பள்ளி, சென்னை.

தெலுங்கு

1. கீர்த்தனா-192,
சன்பீம் மேல்நிலைப்பள்ளி, மேட்டுக்குளம், வேலூர், திருப்பத்தூர்.
2. குமார்-189,
டி.ஆர்.பி.சி. மேல்நிலைப்பள்ளி, திருவள்ளூர்.
3. சினேகலதா ஸ்ரீபாரதி- 188,
எஸ்.ஆர்.கே.எம். சாரதா மேல்நிலைப்பள்ளி, தி.நகர். சென்னை.

சமஸ்கிருதம்

1. அனு ஆசைதம்பி-198,
டி.ஏ.வி. மேல்நிலைப்பள்ளி, கோபாலபுரம், சென்னை.
2. பிரதீப் ராஜா-198,
டி.ஏ.வி. மேல்நிலைப்பள்ளி, சூளைமேடு, சென்னை.
3. ஷரினி-198,
டி.ஏ.வி. மேல்நிலைப்பள்ளி, கோபா லபுரம், சென்னை.

உருது

1. வசிமா அம்ரீன்-195,
நுஸரத்துல் இஸ்லாம் மகளிர் மேல்நிலைப்பள்ளி, பேர ணாம்பட்டு, திருப்பத்தூர்.
2. முகமது சவ்ஹபீப்- 195,
இஸ்லாமிக் மேல்நிலைப் பள்ளி, மேல்விசாரம், வேலூர்.
3. சாதியா இக்ராம்-193,
இஸ்லாமிக் மகளிர் மேல் நிலைப்பள்ளி, வாணியம்பாடி.
விரிவாக படிக்க இங்கே கிளிக் செய்யுங்கள்

பிளஸ் 2 உடனடித் தேர்வு 2010

பிளஸ் 2 தேர்வில் மூன்று அல்லது அதற்குக் குறைவான பாடங்களில் தோல்வியுறும் மாணவர்கள் உடனடித் தேர்வு எழுதலாம். உடனடித் தேர்வு ஜூன் 29-ம் தேதி தொடங்கி, ஜூலை 9-ம் தேதி வரை நடைபெறும்.

இதுகுறித்து அதன் இயக்குநர் வசுந்தராதேவி வியாழக்கிழமை வெளியிட்ட செய்தி:

மார்ச் 1-ம் தேதி முதல் 22-ம் தேதி வரை நடந்த பிளஸ் 2 பொதுத் தேர்வை 7,43,822 பேர் எழுதினர். இத்தேர்வர்களின் தேர்வு முடிவுகளைவெள்ளிக்கிழமை
(மே 14) காலை 9 மணிக்கு, அரசுத் தேர்வுத்துறை இயக்குநர் வசுந்தராதேவி வெளியிட உள்ளார்.

மாணவர்கள் பெற்ற மதிப்பெண்கள் அடங்கிய அட்டவணைப்படுத்தப்பட்ட மதிப்பெண் பட்டியல், தேர்வு முடிவுடன் அவர்கள் பயின்ற பள்ளியில் மே 14-ம் தேதி காலை 10 மணிக்குள் ஒட்டப்படும்.
விடைத்தாள் நகல் மற்றும் மறுகூட்டலுக்கு விண்ணப்பிக்க மே 17-ம் தேதி முதல் மே 20-ம் தேதி வரை அரசுத் தேர்வுகள் இயக்ககம், அனைத்து முதன்மைக் கல்வி அலுவலர் அலுவலகங்கள், அனைத்து மாவட்ட கல்வி அலுவலர் அலுவலகங்கள் மற்றும் அரசுத் தேர்வு மண்டலத் துணை இயக்குநர் அலுவலகங்களில் விண்ணப்பங்கள் விற்பனை செய்யப்படும்.
விடைத்தாள் நகல்:

தேர்வு எழுதிய மாணவர்கள் தாங்கள் தேர்வு எழுதிய எந்தவொரு பாடத்திற்கும் விடைத்தாள் நகல் கேட்டு விண்ணப்பிக்கலாம்.

மொழிப் பாடம் மற்றும் ஆங்கிலம் ஒவ்வொன்றிற்கும் ரூ.550-ம், இதர பாடங்கள் ஒவ்வொன்றிற்கும் ரூ.275-ம் கட்டணமாக வசூலிக்கப்படும்.

மறுகூட்டல்:

தேர்வு எழுதிய எந்தவொரு பாடத்திற்கும் மறுகூட்டல் கோரி விண்ணப்பிக்கலாம். விடைத்தாள் நகல் கோரி விண்ணப்பிப்பவர்கள் அதே பாடத்திற்கு மறுகூட்டல் கோரி தற்போது விண்ணப்பிக்கத் தேவையில்லை. விடைத்தாள் நகல் கிடைக்கப் பெற்ற பிறகு, விரும்பினால் மறுகூட்டலுக்கு விண்ணப்பிக்கலாம்.

மறுகூட்டலுக்கான கட்டணம்:

மறுகூட்டலுக்கு கட்டணம் முதன்மை மொழி, ஆங்கிலம், உயிரியல் ஆகிய பாடங்கள் ஒவ்வொன்றிற்கும் ரூ.305-ம், இதர பாடங்கள் ஒவ்வொன்றிற்கும் ரூ.205-ம் வசூலிக்கப்படும்.
விடைத்தாள் நகல் மற்றும் மறுகூட்டலுக்கான கட்டணத் தொகையினை தேசியமயமாக்கப்பட்ட ஏதேனும் ஒரு வங்கியில் சென்னையில் மாற்றத்தக்க வகையில் Dire​ctor of Government Ex​amin​ations, இட்ங்ய்ய்ஹண்-6 என்ற பெயரில் எடுக்கப்பட்ட வங்கி வரைவோலையாக நேரில் ஒப்படைத்து விண்ணப்பப் படிவங்களை பெற்றுக் கொள்ளலாம். பூர்த்தி செய்யப்பட்ட விண்ணப்பங்களை மேற்கூறிய அலுவலகங்களில் நேரில் ஒப்படைக்க வேண்டும்.

மறுமதிப்பீடு:

விடைத்தாள் நகல் பெற்றவர்கள் மட்டுமே விரும்பினால் விடைத்தாள் மறுமதிப்பீடு செய்ய விண்ணப்பிக்கலாம். விடைத்தாள் நகல் பெற்ற பின் மறுமதிப்பீடு அல்லது மறுகூட்டலுக்கு விண்ணபிக்க விரும்புவோர், விடைத்தாள் நகல் பெற்ற 5 நாள்களுக்குள் விண்ணப்பிக்க வேண்டும்.

மறுமதிப்பீடு கட்டணம் முதன்மை மொழி மற்றும் ஆங்கில மொழி பாடங்கள் ஒவ்வொன்றிற்கும் ரூ.1010, இதர பாடங்கள் ஒவ்வொன்றிற்கும் ரூ.505 ஆகும்.

மறுகூட்டலுக்கு கட்டணம் முதன்மை மொழி, ஆங்கிலம்,உயிரியல் பாடத்திற்கு ரூ.305-ம், இதர பாடங்களுக்கு ரூ.205-ம் ஆகும். இதற்கான அறிவுரைகள் விடைத்தாள் நகலுடன் இணைத்து அனுப்பப்படும்.
உடனடித் தேர்வு: மார்ச் 2010ல் பிளஸ் 2 தேர்வு எழுதியவர்களில் மூன்று அல்லது அதற்குக் குறைவான பாடங்களில் தோல்வியுற்றவர்கள் ஜூன்-ஜூலை 2010-ல் நடைபெற உள்ள மேல்நிலைச் சிறப்புத் துணைத் தேர்வு எழுதலாம். இதற்கான விண்ணப்பங்கள் மே 17-ம் தேதி முதல் 21-ம் தேதி வரை வழங்கப்படும்.

பள்ளி மாணவராகத் தேர்வெழுதியவர்கள் அவர்கள் பயின்ற பள்ளியில் எஸ்எச் வகை விண்ணப்பங்களைப் பெற்று பூர்த்தி செய்து, அந்தந்த பள்ளிகளிலேயே மே 21-ம் தேதிக்குள் நேரில் ஒப்படைக்க வேண்டும். தேர்வுக் கட்டணத்தினைப் பணமாகப் பள்ளியில் செலுத்த வேண்டும்.

தேர்வுக் கட்டணம்:
ஒரு பாடத்திற்கு ரூ.85, இரண்டு பாடங்களுக்கு ரூ.135, மூன்று பாடங்களுக்கு ரூ.185 கட்டணமாகப் பெறப்படும். மார்ச் 2010-ல் தேர்வு எழுதி தேர்ச்சி பெறாத தனித் தேர்வர்களும், மார்ச் 2010-க்கு முந்தைய பருவங்களில் தேர்வு எழுதி தோல்வியுற்ற தனித்தேர்வர்களும் ஜூன்-ஜூலை 2010 சிறப்புத் துணைத் தேர்வு எழுத விரும்பினால் அரசு தேர்வுகள் மண்டல துணை இயக்குநர் அலுவலகங்கள், அரசுத் தேர்வுகள் இயக்குநர் அலுவலகம், முதன்மைக் கல்வி அலுவலர் அலுவலகங்கள், மாவட்டக் கல்வி அலுவலகங்களில் மே 24-ம் தேதி முதல் மே 28-ம் தேதி வரை விண்ணப்பப் படிவங்களைப் பெற்றுக் கொள்ளலாம்.
பூர்த்தி செய்த விண்ணப்பங்களை சம்பந்தப்பட்ட அரசு தேர்வுகள் மண்டலத் துணை இயக்குநர் அலுவலகத்தில் மே 28-ம் தேதிக்குள் சேரும் வகையில் பதிவு அஞ்சலிலோ அல்லது நேரிலோ சமர்ப்பிக்க வேண்டும். விண்ணப்பப் படிவத்துடன், மதிப்பெண் சான்றிதழ் நகல் அல்லது இணையதளம் மூலம் பெறப்பட்ட மதிப்பெண் பட்டியல் நகலை இணைக்க வேண்டும்.
மே 26-ல் மதிப்பெண் சான்றிதழ்

மதிப்பெண் சான்றிதழ்கள் மே 26-ம் தேதி, அந்தந்த பள்ளித் தலைமை ஆசிரியர்கள் மூலம் வழங்கப்படும்.

தனித்தேர்வர்கள் தாங்கள் தேர்வு எழுதிய மையங்களில் இருந்து மதிப்பெண் சான்றிதழ்களை பெற்றுக் கொள்ளலாம்.
விரிவாக படிக்க இங்கே கிளிக் செய்யுங்கள்

சதம் அடித்தவர்கள் எண்ணிக்கை

2010 ஆண்டுக்கான தேர்ச்சி விகிதம் - 85.2

பெண்கள் - 88

ஆண்கள் - 81.9

இந்த ஆண்டு சதம் அடித்தவர்கள் எண்ணிக்கை 1762.

கடந்த ஆண்டு எண்ணிக்கை 4060.

சதம் அடித்தவர்கள் விவரம்:

இயற்பியல் - 231

வேதியியல் - 741

உயிரியல் - 258

தாவரவியல் - 4

விலங்கியல் - 1

வணிகவியல் - 968

கணக்கு பதிவியல் - 851

வணிக கணிதம் - 341

கம்ப்யூட்டர் சயின்ஸ் - 265

விரிவாக படிக்க இங்கே கிளிக் செய்யுங்கள்

பிளஸ் 2 ரிசல்ட் - 2010

பிளஸ் 2 ரிசல்ட் - 2010



தேர்வு எழுதியோர் : 6,89,687

தேர்ச்சி சதவீதம் : 85 .2

முதலிடம்

பாண்டியன்
சக்தி விநாயகர்இந்து வித்யாலயா மெட்ரிக் மேல்நிலைப்பள்ளி
தூத்துக்குடி

பெற்ற மதிப்பெண்கள் : 1187

தமிழ் : 194,
ஆங்கிலம் : 193,
கணிதம் : 200,
இயற்பியல் : 200,
வேதியியல் : 200,
கம்ப்யூட்டர் சயின்ஸ் : 200.

இரண்டாம் இடம்

1. சந்தியா
விவேகானந்தா மேல்நிலைப்பள்ளி
பண்டமங்கலம் நாமக்கல்

2. காருண்யா
எஸ்.வி., மந்திர் மேல்நிலைப்பள்ளி
ஊத்தங்கரை கிருஷ்ணகிரி

3. தினேஷ்
எஸ்.வி., மந்திர் மேல்நிலைப்பள்ளி
ஊத்தங்கரை கிருஷ்ணகிரி

பெற்ற மதிப்பெண்கள் : 1186

மூன்றாம் இடம்

1.பிரவக்சனா
சி.வி.பி.,ஏ.சி.ஆர்.ஆர்.,மெட்., பள்ளி

2. மனோசித்ரா
குறிஞ்சி மெட்.,மேல்நிலைப்பள்ளி
நாமக்கல்

3. அபிநயா
பி.வி.பி.,மெட்ரிக்பள்ளி
திண்டல் ஈரோடு

4.ஸ்ரீவித்யா
பிரின்ஸ் மெட்., மேல் நிலைப்பள்ளி
மடிப்பாக்கம் செங்கல்பட்டு

5.அண்டோ நசீரின்
அரசு நகர் மேல்நிலைப்பள்ளி மெட்., மேல்நிலைப்பள்ளி
அரியலூர்

பெற்ற மதிப்பெண்கள் : 1185
விரிவாக படிக்க இங்கே கிளிக் செய்யுங்கள்

ஆடைதரும் உறவு

நம்முடைய வாழ்க்கையில் உடல் தூய்மையும், உள்ளத்தூய்மையும் ஒன்றோடு ஒன்று இணைந்தவை. நாம் எப்படிப்பட்டவர்களாக இருக்கிறோம் என்பதை நம்முடைய வெளித்தோற்றமே காட்டிவிடும்.

உள்ளம் தெளிவாக இருப்பின் உடலின் தோற்றமும் கம்பீரமாகக் காட்சி அளிக்கும். நல்ல உடை நம்முடைய ஒழுக்கம் பண்பு செயல்திறன், புத்துணர்ச்சி ஆகியவற்றை நிச்சயமாக உருவாக்கித் தரும்.

அழகாக ஆடை, அணிந்த பின்பு அமைதியாக ஒரு இடத்தில் உட்கார்ந்து இருக்க முடியாது. துடிப்பாகச் செயலைச் செய்ய மனம் தூண்டுதல் செய்யும். சுறுசுறுப்புடன் இயங்க வைக்கும். மனம் தெளிவுடன் இருக்கும்.

இங்கு இயங்கும் தன்மை தான் செயலை வெற்றிகரமாக அமைக்க வழிவகுக்கும். உன்னுடைய தோற்றமே உன் வருங்காலத்தை முடிவு செய்கிறது என்கிறார் எல்லன் ஹாப்பர் என்ற அறிஞர்.

நம்முடைய தோற்றத்தைப் பார்த்து தான் மற்றவர்கள் மதிப்பீடு செய்வார்கள். இந்த மதிப்பீடு தான் நம்முடன் நட்புறவு கொள்ளவும் தொழில் துறையில் இணைந்து பணியாற்றவும், பொருள் உதவி செய்யவும் உதவி செய்யும் துணை புரியும்.

நம்முடைய தோற்றம் சரியாக இல்லா விட்டால் யாரும் நம்முடன் தொடர்பும் உறவும் வைத்துக் கொள்ள மாட்டார்கள்.

ஜெர்மனியில் புகழ் பெற்ற அறிஞராக இருந்தவர் ஹொ ரோஸ். இவர் வீட்டிற்கு வந்தவுடன் நல்ல ஆடைகளைக் களைந்துவிட்டு மிகவும் எளிய ஆடைகளை அணிந்து கொள்வார்.

தான் வளர்த்து வந்த பறவைகளுக்காக தெருவில் உள்ள குப்பைத் தொட்டியில் புழுக்களைத் தேடிக் கொண்டிருந்தார்.

அந்த வழியே சென்ற ஒருவர் இவருடைய செயலைப் பார்த்து இவர் ஒரு பிச்சைக்காரர் போலும். எச்சில் உணவைத் தேடிக் கொண்டிருக்கிறார் என்று எண்ணிக் கொண்டு அறிஞரிடம் சில நாணயங்களைக் கொடுத்தார்.

அறிஞரைப் பிச்சைக்காரன் என்று எண்ண வைத்தது அவருடைய தோற்றம் தானே! அதனால் நம்முடைய தகுதிக்கேற்ப நல்ல உடைகளை அணிந்து கொள்வது மிகவும் அவசியமாகும்.

நாடகத்தில் அரசராக நடிப்பவர் அரசரைப் போன்றே ஆடை அணிய வேண்டும் அல்லவா? ஆண்டியை போல ஆடை அணிந்தால் அவரை அரசராக ஏற்றுக் கொள்ள மாட்டார்கள் இல்லையா!

இதே போன்று உலகமாகிய நாடக மேடையில் நாம் ஒவ்வொருவரும் விதவிதமான பாகத்தை கொண்டிருக்கிறோம். அதற்கு ஏற்றவாறு நம்முடைய உடை இருக்க வேண்டும் என்பது மிகவும் முக்கியமாகும்.

நீதி மன்றம் என்பது எல்லோருக்கும் நீதி வழங்கும் இடம். நீதிபதிகளும் வழக்கறிஞர் அங்கு கம்பீரமாக வீற்றிருப்பதைப் பார்க்கிறோம். இதற்குக் காரணம் என்ன?
நீதி என்பது உயர்வானது அதனை வழங்குபவர்களும் உயர்வானவர்களாக உன்னதமானவர்களாக இருக்க வேண்டும் என்பது தான் எளிய தன்மையுடன் இருப்பதாக நாமே எண்ணிக் கொண்டு பிறரை ஏமாற்றக் கூடாது.

ஹட்சன் என்ற காரை உற்பத்தி செய்யும் தொழில் அதிபரைச் சந்திக்க ஒரு செல்வந்தர் அழைத்து வரப்பட்டார். அந்தச் சந்திப்புக்கு ஏற்பாடு செய்தவர்கள் அந்த செல்வந்தர் பல கோடிகளுக்கு அதிபதி என்று கூறினார்கள்.

ஆனால் அந்த செல்வந்தர் மிகவும் எளிய உடையை அணிந்து வந்தார். இவரை பார்த்த ஹட்சன் கார் முதலாளி, அவருடன் ஒரு வார்த்தை கூடப் பேசாமல் தன்னுடைய தொழிற்சாலைக்குப் போய்விட்டார்.

அவரிடம் சென்று ஏன் செல்வந்தரிடம் பேசாமல் போய்விட்டீர்கள் என்று கேட்டனர். அந்தச் செல்வந்தர் தன்னுடைய தகுதிக்குத் தக்கபடி உடை அணிந்து வரவில்லை.

இப்படி அவர் போலி வேடம் போட்டு தன்னையே ஏமாற்றிக் கொள்வதோடு பிறரையும் ஏமாற்றுகிறார். அதனால் அவர் ஒரு ஏமாற்றுப் பேர்வழி. உண்மையானவர் அல்ல. அப்படிப்பட்டவரிடம் நான் பேச வேண்டிய அவசியம் இல்லை என்றார் கார் முதலாளி.
நம்மை மற்றவர்கள் எவ்விதம் எண்ண வேண்டும் என்று நினைக்கிறோமோ அதற்குத் தக்கபடி உடை அணிந்து கொள்ள வேண்டும். அப்படி நாம் செய்யவில்லை என்றால் நமக்கு நாமே தீங்கும் துரோகமும் செய்து கொள்கிறோம்.

உனக்காக நீ உணவு சாப்பிட வேண்டும். பிறருக்காக நீ உடை அணிய வேண்டும். ஆள் பாதி ஆடை பாதி என்ற பழமொழி இருக்கிறது. வீட்டில் எளிய உணவாக இருந்தாலும் பரவாயில்லை. அதை மற்றவர்கள் அறியமாட்டார்கள்.

ஆனால் நாம் அணியும் ஆடை ஒழுங்கானதாகவும் தூய்மையானதாகவும் அழகாகவும் இருக்க வேண்டும்.

இப்படி இல்லாவிட்டால் பிறர் நமக்கு மதிப்பை தரமாட்டார்கள். நாம் சொல்லும் வார்த்தைக்கு ஒரு அந்த …ஏற்படாது. அதற்காக படாடோபமான ஆடம்பரமான ஆடைகளை அணிய வேண்டியது இல்லை.

நம்மைச் சுற்றி இருப்பவர்கள் எந்த வித உடை அணிந்து கொண்டிருக்கிறார்களோ அந்த ஆடையை அணிந்து கொண்டால் போதும். ரோமில் இருக்கும் போதும் ரோமான்யர்கள் போன்று இருக்க வேண்டும் என்ற பழமொழியை எப்பொழுதும் நினைவில் வைக்க வேண்டும்.

அதே நேரத்தில் அணியும் ஆடை நம்முடைய வருமானத்திற்கு தக்கபடி இருக்க வேண்டுமே தவிர அதற்கு அப்பாற்பட்டதாக இருக்கக்கூடாது.

நாம் ஒழுங்கான உடைகளை அணிந்திருப்பதைப் பார்த்து மற்றவர்கள் நம்மைப் புகழ வேண்டுமே தவிர இகழக்கூடாது.

“மகனே நீ எங்கு இருக்கின்றாயோ அங்குள்ள சமகாலத்து அறிவாளிகள் எவ்விதம் உடை உடுத்திக் கொண்டிருக்கிறார்களோ அவ்விதமே நீயும் அவர்களைப் போன்ற உடை அணிய வேண்டும். உன்னுடைய தகுதிக்கு மீறிய ஆடையை அணியாதே என்று செஸ்டர் பீல்டு தன் மகனுக்கு தெரிவித்தார்.

“உன்னுடைய பணப்பையால் வாங்கும் அளவுக்கு உடைகள் இருக்க வேண்டும். அலங்காரத்திற்காக இருக்கக்கூடாது. உயர்தர ஆடையாக இருந்தாலும் பரவாயில்லை. பகட்டுடன் இருக்கக்கூடாது. உடையே ஒருவரை வெளிப்படுத்திக் காட்டும்” என்கிறார் சேக்ஸ்பியர்.
தூய்மையுடன் ஒழுங்குடனும் உடை அணிந்து இருக்கிறோம் என்ற எண்ணமே நமக்கு நன் மதிப்பையும் தன்னம்பிக்கையையும் கம்பீரத்தையும் அளிக்கும்.

இதன் காரணமாக நமக்குப் பலரும் மரியாதை தருவார்கள். அதுவே நாமும் பலருடன் பழகி நம்முடைய அந்தஸ்த்தை உயர்த்திக் கொள்ள துணை புரியும்.
விரிவாக படிக்க இங்கே கிளிக் செய்யுங்கள்

ஆசிரியர்கள் இடமாறுதல் கவுன்சிலிங் 18, 19-ந்தேதிகளில் நடக்கிறது

பொது மாறுதலுக்கான கலந்தாய்வு

அரசு,நகராட்சி மேல் நிலைப்பள்ளி தலைமை ஆசிரியர்கள் (மாவட்டத்திற்குள் மாறுதல் 18.05.2010 காலை 10 மணி

கலந்தாய்வு நடக்கும் இடம்
சென்னை அசோக்நகர் அரசு மகளிர் மேல்நிலைப்பள்ளி  

பொது மாறுதலுக்கான கலந்தாய்வு

அரசு, நகராட்சி மேல்நிலைப்பள்ளி தலைமை ஆசிரியர்கள்
(மாவட்டம் விட்டு மாவட்டம்) 18.05.2010  மதியம் 2 மணி

கலந்தாய்வு நடக்கும் இடம்
சென்னை அசோக்நகர் அரசு மகளிர் மேல்நிலைப்பள்ளி

பொது மாறுதலுக்கான கலந்தாய்வு

அரசு,நகராட்சி உயர் நிலைப்பள்ளி தலைமை ஆசிரியர்கள் (மாவட்டத்திற்குள் மாறுதல்) 19.05.2010-ந்தேதி காலை 10 மணி

கலந்தாய்வு நடக்கும் இடம்
எழும்பூர் மகளிர் மேல்நிலைப்பள்ளி

பொது மாறுதலுக்கான கலந்தாய்வு

அரசு,நகராட்சி உயர் நிலைப்பள்ளி தலைமை ஆசிரியர்கள்
(மாவட்டம் விட்டு மாவட்டம்)  19.05.2010-ந்தேதி மதியம் 2 மணி

கலந்தாய்வு நடக்கும் இடம்
எழும்பூர் மகளிர் மேல்நிலைப்பள்ளி

பொது மாறுதலுக்கான கலந்தாய்வு

பள்ளிக் கல்வித்துறையின் கீழ் அரசு, நகராட்சி மேல் நிலை, உயர்நிலைப்பள்ளிகளில் பணிபுரியும் முதுகலை, பட்டதாரி ஆசிரியர்கள், ஆசிரியர் பயிற்றுனர்கள், இடைநிலை ஆசிரியர்கள், சிறப்பு ஆசிரியர்கள், உடற்கல்வி ஆசிரியர்கள் (மாவட்டத்திற்குள் மாறுதல்) அந்தந்த மாவட்டங்களில் 18.05.2010-ந்தேதி காலை 10 மணி

பொது மாறுதலுக்கான கலந்தாய்வு

பள்ளிக் கல்வித்துறையின் கீழ் அரசு, நகராட்சி மேல் நிலை, உயர்நிலைப்பள்ளிகளில் பணிபுரியும் முதுகலை ஆசிரியர்கள், பட்டதாரி ஆசிரியர்கள், ஆசிரியர் பயிற்றுனர்கள், இடைநிலை ஆசிரியர்கள், சிறப்பு ஆசிரியர், உடற்கல்வி ஆசிரியர்களுக்கு (மாவட்டம் விட்டு மாவட்டம்) அந்தந்த மாவட்டங்களில் 19.05.2010-ந்தேதி காலை 10 மணி

மாவட்டங்களில் கலந்தாய்வு நடக்கும் இடங்கள் வருமாறு:-

கோவை-சி.எஸ்.ஐ. ஆண்கள் மேல்நிலைப்பள்ளி,
கடலூர்-அரசு மேல்நிலைப்பள்ளி, மஞ்சக்குப்பம்,
தருமபுரி- அதியமான் அரசு ஆண்கள் மேல்நிலைப்பள்ளி,
திண்டுக்கல்-அரசு ஆண்கள்மேல் நிலைப்பள்ளி,
ஈரோடு- அரசு மகளிர் மேல்நிலைப்பள்ளி.
காஞ்சீபுரம்-பி.எஸ். எஸ். நகராட்சி மேல் நிலைப்பள்ளி,
கரூர்-முதன்மை கல்வி அலுவலக வளாகம்,
கிருஷ்ணகிரி-தூய அன்னாள் மகளிர் மேல் நிலைப்பள்ளி,
மதுரை- ஓ.சி.பி. எம். அரசு மேல்நிலைப்பள்ளி,
நாகப்பட்டினம்-நடராஜன் தமயந்தி மேல்நிலைப்பள்ளி,
நாகர்கோவில்- எஸ்.எல்.பி. அரசு மேல்நிலைப்பள்ளி,
நாமக்கல்-அரசு மேல் நிலைப்பள்ளி (தெற்கு),
நீலகிரி- பெத்தலேகம் மகளிர் மேல்நிலைப்பள்ளி,
பெரம்பலூர்-தந்தை ரோவர் மேல்நிலைப்பள்ளி,
புதுக்கோட்டை-ராணியார் அரசு மேல்நிலைப்பள்ளி,
ராமநாதபுரம்-சையது அம்மான் மேல்நிலைப் பள்ளி,
சேலம்-சிறுமலர் மேல்நிலைப்பள்ளி,
சிவ கங்கை-மருதுபாண்டியர் அரசு மேல்நிலைப்பள்ளி,
தஞ்சாவூர்-அரசர் மேல் நிலைப்பள்ளி,
தேனி- என்.எஸ்.ஆண்கள் மேல்நிலைப்பள்ளி,
திருச்சி-அரசு சையது முர்துஸா மேல் நிலைப்பள்ளி,
திருநெல் வேலி-புனித ஜான் மேல் நிலைப்பள்ளி,
திருவள்ளூர்-எஸ்.ராமசாமி முதலியார் மேல்நிலைப் பள்ளி,அம்பத்தூர், திருவாரூர்-ஜி.ஆர்.எம். மகளிர் மேல்நிலைப்பள்ளி,
திருவண்ணாமலை- டேனிஷ் மிஷன் மேல்நிலைப்பள்ளி,
தூத்துக்குடி- முதன்மை கல்வி அலுவலக வளாகம்,
வேலூர்- ஸ்ரீவெங்கடேஸ்வரா மேல்நிலைப்பள்ளி,
விழுப்புரம்-அரசு மகளிர் மேல்நிலைப்பள்ளி,
விருதுநகர்-தங்கம்மாள் பெரியசாமி நகரவை மேல் நிலைப்பள்ளி,
திருப்பூர்-ஜீவா பாய் மாநகராட்சி மகளிர் மேல்நிலைப்பள்ளி,
அரியலூர்-அரசு மேல் நிலைப்பள்ளி,
சென்னை- அரசினர் மாதிரி ஆண்கள் மேல்நிலைப் பள்ளி, சைதாப்பேட்டை.

காலிப்பணியிடங்கள் 15-ந்தேதி பள்ளிக் கல்வி: இணைய தளமான www.pallikalvi.in ல் வெளியிடப்படும் என்று பள்ளி கல்வி இயக்ககம் தெரிவித்துள்ளது.
விரிவாக படிக்க இங்கே கிளிக் செய்யுங்கள்

தோல்வி என்பது வீழ்ச்சியல்ல

'பிளஸ் 2 தேர்வில், மாநிலத்திலேயே சென்னையைச் சேர்ந்த மாணவி முதலாவதாக தேர்வு; தேர்வில் வெற்றி கிடைக்காது என்று நினைத்து விஷமருந்தி, மருத்துவமனையில் அனுமதிக் கப்பட்ட மாணவன் தேர்ச்சி பெற்றான். தமிழில் 100க்கு 98 பெற்ற மாணவிக்கு, செம்மொழி சங்கத்தினர் பாராட்டு. 'தேர்ச்சி பெறாத மாணவர் மூவர், பெற்றோருக்கு பயந்து, கடிதம் எழுதி வைத்துவிட்டு, வீட்டை விட்டு ஓட்டம்; குறைந்த மதிப்பெண் எடுத்த மாணவி, தாவணியில் மரணத்தைத் தேடிக் கொள்ள, பெற்றோர் மட்டுமல்ல, பள்ளிக்கூடமே சோகத்தில் மூழ்கியது...' - இது போன்ற செய்திகள், ஒவ்வொரு வருடமும், பிளஸ் 2, 10ம் வகுப்பு தேர்வு முடிவு வரும்போது வருவது வழக்கமாய் போனாலும், அது பெற்றோரை சொல்ல முடியாத துன்பத்திற்கு ஆளாக்குகிறது. 'இளம் வயதினர் ஏன் இந்த முடிவுக்கு வருகின்றனர்? இதை தடுக்க வேண் டாமா?' என்ற கேள்விக்கு சமூக ஆர்வலர்களை பதில் தேட வைக்கின்றன. இருந்தாலும், ஆண்டுக்காண்டு இந்த எண்ணிக்கை பெருகி வருவது தான் மிகவும் வேதனைக்குரியது.

ஒவ்வொரு பெற்றோரும், பிள்ளைகள் பற்றி காண்கிற கனவு மட்டுமல்ல, 2020ல் இந்தியா எப்படி இருக்கும் என்பது பற்றி, 'கனவு மெய்ப்படட்டும்' என்று, முன்னாள் ஜனாதிபதி அப்துல் கலாம், ஒவ்வொரு நிகழ்ச்சியிலும், குழந்தைகளை உற்சாகப்படுத்தி வரும் சூழ்நிலையில், இந்த நிலைமை தொடரலாமா? இச்செயலை பிள்ளைகளுக்கு யார் கற்றுக் கொடுத்தது? யாரும் கற்றுக் கொடுக்கவில்லை என்பது தான் உண்மை. அப்படி இருக்கையில், இந்நிகழ்வு தொடர்வது, பள்ளி பிள்ளைகள் மற்றும் இளைஞர்கள் மத்தியில், தன்னம்பிக்கை குறைவதையும், இருக்கிற நம்பிக்கை தளர்வதையும் அல்லவா காட்டுகிறது? இது, சமுதாயத்திற்கு நல்லதா? இதை முறியடிக்க வேண்டாமா? பிஞ்சு மனங்களை நஞ்சாக மாற்றும் தற்கொலை என்ற பயங்கரவாதத்தை, விதையிலேயே கிள்ளி எறிய வேண்டாமா? ஒவ்வொரு மனிதனும் தன் வாழ்நாளில் நினைத்து நினைத்து, சுவைத்து சுவைத்து, அசை போடுகிற மாணவ பருவத்தை துளிர விடாது தூபம் போடும் செயலை எதிர்க்க வேண்டாமா? படிப்பில் சிரமப்படும் பிள்ளைகள் மட்டுமல்ல, நன்றாகப் படிக்கும் பிள்ளைகள் கூட, சில நேரங்களில் இந்த முடிவை தேடிக்கொள்வதும் உண்டு. காரணம், படிக்க முடியவில்லை; முயற்சி எடுத்தும் முடியால் போய் விடுகிறது; பெற்றோரின் எதிர்பார்ப்பின் மிகுதி அல்லது அவர்களின் அதிகப்படியான கண்டிப்பு; அவமானத்திற்கு ஆளாகி விடுவோம் என்ற எண்ணம். காரணம் எதுவாக இருந்தாலும், நிகழ்வுகள் தொடராமல் இருப்பதற்கு வழிதான் என்ன?

'அன்றாட வேலைகளை ஆசையோடு செய்; அதுதான் வெற்றியின் ஒருவரி ரகசியம்' என்ற வரியை நினைவு படுத்துங்கள். 'தோல்வி என்பது விலகி நிற்கும் வெற்றி' என்பதை பிள்ளைகளுக்கு, புரிய வைக்க வேண்டும். தேர்வில் தோற்றால் வாழ்வே முடிந்து விடாது. ஆபிரகாம் லிங்கனுக்கு, 15 வயதில் தான் பள்ளிக்கு செல்லும் வாய்ப்பே கிடைத்தது. அவர் பள்ளியில் படித்த மொத்த நாட்கள் 365 தான். படிப்பதற்கு வாய்ப்பும், வசதியும் இருக்கும் போது, மனம் தளர்ந்து விடலாமா? அதைவிட சிறந்து காட்ட வேண்டாமா? ஒரு கனம் சிந்தித்து பாருங்கள்... தற்கொலை என்பது நொடியில் எடுக்கும் முடிவு தான். மனித வாழ்வு என்பது, கிடைத்ததற்கரிய பெரும் பாக்கியம். சவால்களை சமாளிக்காது, வெற்றிப் பாதையிலிருந்து விலகி கோழைகளாய் சாவதை, எந்த வகையில் எடுத்துக் கொள்வது? வாழ்வதோ ஒரு முறை, அதில் வாழ்ந்து, சிறந்து காட்ட வேண்டும். வாழ்வில் வெற்றியை ஏற்றுக் கொள்வது போன்று, ஏற்படுகிற சிறு சறுக்கலையும் சிறு சிறு தோல்விகளையும், ஏற்று கொள்கிற மனப்பக்குவத்தை ஏற்படுத்திக் கொள்ள வேண்டும்.

'திறமையற்றவர்கள் என்று யாரும் இல்லை. என்றாலும், சிலர் தோல்வி அடைவதின் காரணம் அத்திறமையை பயன்படுத்தாததே' என்கிறார் கால்வின் கூலிட்ஜ் என்ற அறிஞர். பிளஸ் 2 தேர்விலோ அல்லது 10ம் வகுப்பு தேர்விலோ வெற்றி பெறவில்லை என்றால், வாழ்வு முடிந்து விட்டதாய் பொருள் அல்ல. ஒவ்வொரு மாணவனுக்கும், பிளஸ் 2 என்பது வாழ்வில் அடித்தளம் தான். அந்த அடித்தளத்தில் ஆரம்ப வாழ்க்கை ஓரளவு நிர்ணயிக்கப்படுவது உண்மை தான். அதற்காக அடித்தளத்தில் கொடுக்கிற நெருக்கம், அடித்தளமே ஆட்டம் கண்டு விடக்கூடாது. முதலுக்கே மோசம் வந்து விடக்கூடாது. 'நான் அப்பவே சொன்னேன்... நீ நன்றாய் படித்திருந்தால் இது போல் நடக்குமா?' என்று சொல்வதை காட்டிலும், 'பரவாயில்லை... மனம் தளராதே; நம்பிக்கையை கைவிடாதே. வருகிற தேர்வில் ஒரு கை பார்த்து விடலாம்' என்ற வார்த்தைகள், நிச்சயம் ஏமாற்றத்தை நீக்கி, மாற்றத்தை கொடுக்கும்.

பெற்றோர் இக்காரியத்தில், அதிக அக்கறை எடுத்துக் கொள்ள வேண்டும். 10 மாதம் சுமந்து வளர்த்து, 16 வயதில் முழுமையாக இழக்கிற இழப்பை, எந்த பெற்றோரால் தான் தாங்கி கொள்ள முடியும். உங்கள் கவலையை கோபமாக்கி, திட்ட வேண்டாம். அதிலும், பக்கத்து வீட்டு பிள்ளைகளோடு, ஒருபோதும் ஒப்பிட்டு சொல்ல வேண்டாம். 'நான் திட்டியதால் தானே, இதுபோல் செய்து விட்டாய்; இனி திட்டவே மாட்டேண்டா...' என்று, கதறி அழுத பெற்றோர் பலரை பார்க்க நேர்ந்துள்ளது. பிள்ளைகளுக்கு, வருத்தம் ஏற்பட்டுள்ள நேரத்தில், உங்களின் ஆதரவும், அன்பும், பரிவும் தேவைப்படுகிறது என்பதை, நீங்கள் உணர வேண்டும். உங்களை விட்டால் வேறு யார் அவர்களுக்கு, தைரியம் கொடுக்க முடியும், தோல்வி, வாழ்க்கையின் இயல்பு என்பதை உணருங்கள். 'எனது நேற்றைய சந்தோஷம் நாளைக்கு தீர்ந்துவிடும். போன வாரத்து துக்கம் இந்த வாரம் சாதாரணமாய்த் தெரியும். திங்கட்கிழமை இருந்த பயமும், வேதனையும், புதன் கிழமை வரை கூட இருப்பதில்லை. இந்த புரிதல் மனிதனுக்கு வந்துவிட்டால், சோர்ந்து போகாமல் தன் கடமையை தொடர்ந்து கொண்டிருப்பான்' என்கிறார் பிரபல எழுத்தாளர் ஒருவர். எனவே, இப்படிப்பட்ட சூழ்நிலையில் பிள்ளைகளுக்கு, ஆசிரியர்களும், பெற்றோரும் ஆதரவாக இருந்து, அவசரப்படாமல் பார்த்துக் கொள்ள வேண்டும். அப்படி இல்லாமல், நீங்களே அவர்களின் அவசரத்திற்கு, ஆதாரமாகி விடக் கூடாது.

உடலில் மிகப்பெரிய குறைகளை கொண்டவர்கள், அதை தங்களின் நிறைகளாக மாற்றி, ஜொலித்தவர்களை சற்றே பாருங்கள். அதன்பின், ஒரு முடிவுக்கு வாருங்கள். பின், வாழ்ந்து காட்டுங்கள். போலியோ பாதித்த ரூஸ்வெல்ட், அமெரிக்க அதிபராக ஆகவில்லையா? சிறுவயதில் சரியாக ஆகாரம் இல்லாததால், உடல் உறுப்புகள் சரியான முறையில் வளர்ச்சி அடையாது, பார்த்தவர்கள் எல்லாம் பரிகாசம் செய்யும் தோற்றத்தில் அமைந்துவிட்ட சார்லி சாப்ளின், தன்னை பார்த்து சிரித்தவர்கள் எல்லாரும் காசு கொடுத்து, தன் சிரிப்பை பார்க்க வைக்கவில்லையா? தன்னைப் போல் கண் பார்வையில்லாதவர்கள் குறையைப் போக்க, அவர்கள் படிப்பதற்கு எழுத்துக்களை கண்டுபிடித்து கொடுத்தார் பிரெய்லி. காது கேட்காத தாமஸ் ஆல்வா எடிசன், பிறர் கேட்டு மகிழ கிராமபோனை கண்டுபிடித்தார். 'தடைகள், சறுக்கல்கள் மற்றும் தோல்விகளை ஒழிக்கும் மருந்து, இரண்டு ரசாயன கலவையால் ஆனது. அவை, 'பயிற்சி, முயற்சி' என்பவை. தோல்வியை கண்டு துவண்டு விட வேண்டாம். 'கடின உழைப்பு உன் கைவசமானால், பின், கவலைப்பட அவகாசம் ஏது?' முயற்சி செய்யுங்கள்; வெற்றி பெறுங்கள்.

                                                        -பெ.மாடசாமி, காவல் துறை உதவி ஆணையாளர்
விரிவாக படிக்க இங்கே கிளிக் செய்யுங்கள்

பிளஸ் 2 பொதுத் தேர்வு முடிவுகள் பொது நூலகங்களில் இலவசமாக பார்க்க ஏற்பாடு

பிளஸ் 2 பொதுத் தேர்வை தமிழகத்தில் உள்ள அனைத்துப் பொது நூலகங்களிலும் மாணவ, மாணவியர் இலவசமாகப் பார்க்க ஏற்பாடு செய்யப்பட்டுள்ளது.
இது குறித்து பொது நூலக இயக்குநர் அறிவொளி செவ்வாய்க்கிழமை வெளியிட்ட செய்தி:

பிளஸ் 2 பொதுத் தேர்வு முடிவுகள் பள்ளிக் கல்வித் துறையின் இணையதளத்தில் வெளியிடப்பட உள்ளன.

அனைத்து மாவட்ட நூலக அலுவலர்களும், தங்களின் நிர்வாகத்தின் கீழ் உள்ள அனைத்து நூலகர்களுக்கும் தக்க அறிவுரைகளை வழங்கி தேர்வு முடிவு வெளியாகும் நாள் தொடங்கி 3 நாள்களுக்கு மட்டும் இலவசமாகத் தேர்வு முடிவுகளைக் காணும் வகையில் ஏற்பாடுகள் செய்ய அறிவுறுத்தப்பட்டுள்ளனர்.
விரிவாக படிக்க இங்கே கிளிக் செய்யுங்கள்

TAMIL NADU GOVT SIXTH STANDARD TEXT BOOKS

விரிவாக படிக்க இங்கே கிளிக் செய்யுங்கள்

தொடக்​கக் கல்வி ஆசி​ரி​யர்​க​ளுக்​கான முன்​னு​ரி​மைப் பட்​டி​யல் வெளி​யீடு

All Hr Sec Hm Promotion Panel 2011 Final
விரிவாக படிக்க இங்கே கிளிக் செய்யுங்கள்

விழுப்புரம் மாவட்ட முதன்மைக் கல்வி அலுவலர் பெ. குப்புசாமி அவர்களின் வாழ்த்துரை


விரிவாக படிக்க இங்கே கிளிக் செய்யுங்கள்

விழுப்புரம் மாவட்ட முதன்மைக் கல்வி அலுவலர் பெ. குப்புசாமி அவர்களுக்கு நினைவு பரிசு

விரிவாக படிக்க இங்கே கிளிக் செய்யுங்கள்

தலைமைப்பண்பில் நேர்மையும் அறமும் தேவை..


ஒருநல்ல தலைவனுக்கு ஒரு நல்ல தீர்மானத்தை எடுத்து அதைச் செயல்படுத்த வேண்டிய மனோதைரியமும் துணிச்சலும் இருக்க வேண்டும்’என்பது. இதற்கு நான் உதாரணம் காட்ட வேண்டும் என்றால் உடனடியாக என் நினைவுக்கு வருவது இரும்பு மனிதர் சர்தார் வல்லபாய் பட்டேல்தான்.

அவர் மட்டும் அன்று ஒன்றுபட்ட இந்தியாவை உரு வாக்க வேண்டும் என்று தீர்மானித்து , அதை இரும்புக்கரம் கொண்டு செயல்படுத்தியிராவிட்டால் இன்று இந்தியா எத்தனையோ குட்டி குட்டி நாடுகளாக, சமஸ்தானங்களாகச் சிதறுண்டு போயிருக்கும். அவரை விமர்சித்தவர்களும் வாயடைத்துப் போனார்கள். இந்த டிஸிஷன் மேக்கிங் பண்பு ஒரு தலைவனுக்கு மிகவும் தேவையானது.
“தலைமைப்பண்பில் நேர்மையும் அறமும் தேவை..’ஒரு அமைப்புக்கு லாபம் என்பது குறிக்கோளாக இருக்கலாம், ஆனால் அது நேர்மையையும் அறத்தையும் விலை கொடுத்து வாங்குவதாக இருக்கக் கூடாது. அதே போல் ஒரு தலைவன் தன் பணிகளில் அறத்தைப் பேணுவதில் அக்கறை காட்ட வேண்டும்.

“ஒரு தலைவனின் நடவடிக்கைகள் வெளிப்படையாக இருக்க வேண்டும்..’இது இன்றைய காலகட்டத்துக்கு மிக முக்கியமான ஒன்று. எல்லா துறைகளிலும் ஊழல் மலிந்து விட்டதை நாம் காண்கிறோம். பொது வாழ்க்கைக்கு மட்டுமின்றி ஒரு அமைப் புக்குத் தலைவனாக இருப்பவனும் தன்னைப் பற்றிய நடவடிக்கைகளை வெளிப் படையாக வைத்திருக்க வேண்டும். அந்தத் தலைவனை உதாரணமாகக் கொண்டு தான் கோடிக்கணக்கான தொண்டர்கள் இருப்பார்கள். அவர்களுக்கு வழி காட்டு வது போல் அந்தத் தலைவனின் நடவடிக்கைகள் கிளீன் ஸ்லேட்டாக இருக்க வேண்டும்.

நமது தேசத்தந்தை மகாத்மா காந்தி இந்த வெளிப்படையான தன்மைக்கு ஒரு உதாரண புருஷர். அவர் மக்களுக்கு எதையுமே மறைத்ததில்லை. தன்னுடைய தனிப்பட்ட வாழ்க்கையில் நடந்த விஷயங்களைக் கூட அவர் ஒளிவு மறைவு இல்லாமல் வெளிப்படையாக அறிவித்தார். அவருடைய ஆசிரமத்தில் எப்போதும் பஜன் நடக்கும். அதில் கலந்து கொள்பவர்கள் ஆளுக்கு ஒரு ரூபாய் காணிக்கை அளித்து விட்டுக் கலந்து கொள்ளலாம். அதில் வசூலாகும் தொகை நல்ல விஷயங்களுக்குச் செலவிடப்படும்.

தினமும் அந்த வசூலில் சேரும் ஒரு ரூபாய்கள் மொத்தமாக கணக்கிடப்படும். ஒருநாள் அந்தக் கணக்கில் சிறு தவறு நேர்ந்து விட்டது. சிறு தவறு தான். அதாவது ஒரே ஒரு ரூபாய் கணக்கு இடித்தது. மகாத்மா காந்தி கடுங்கோபம் கொண்டு விட்டார். அந்த ஒரு ரூபாய்க்கு சரியான கணக்கு வரும்வரை நான் சாப்பிட மாட்டேன் என்று சொல்லி உண்ணா விரததத்தில் இறங்கி விட்டார். மூன்று நாட்கள் அந்த உண்ணாவிரதம் நீடித்தது. பிறகு அந்த ஒரு ரூபாய்க்கான கணக்கு சரியாகக் காட்டப்பட... உண்ணா விரதம் ஒரு முடிவுக்கு வந்தது. ஒரு ரூபாயாக இருந்தாலும் பொது மக்களுக்கு அந்தக் கணக்கு சரியாகத் தெரியவேண் டும் என்பதில் உறுதியாக இருந்தார் அந்த தேசப்பிதா.

வேலை செய்வதிலும் செய்து முடிப்பதில் ஒரு தலைவனுக்கு நம்பகத்தன்மையும் ஒற்றுமையுணர்வும்  வேண்டும்.’நான் இந்தக் கருத்தைப் பல மீட்டிங்குகளில் சொல்வதுண்டு. இதை ஒப்புக் கொள்பவர்கள் கை தூக்குங்கள்’’ என்று சொல்வேன். குழந்தைகள், சிறுவர்கள், இளைஞர்கள் போன்றவர்கள் கை உயர்த்துவார்கள். ஆனால் பெரியவர்கள் கை உயர்த்த மாட்டார்கள். சமீபத்தில் நான் அமெரிக்கா சென்றிருந்த போது ஒரு மீட்டிங்கில் இதே கேள்வியைக் கேட்டு கையை உயர்த்தச் சொன்னேன். எனக்கு ஆச்சர்யமாக இருந்தது. ஒருவர் கூட கை தூக்கவில்லை. ஆனால் இந்தத் தகுதியை ஒரு தலைவனுக்கு இருக்க வேண்டிய அடிப்படை தகுதியாக நான் கருதுகிறேன்.

இந்த எட்டு அடிப்படை தகுதிகளுடன் ஒரு தலைவன் உருவாகும் போது, அது எந்தக் கட்சியில் அல்லது அமைப்பில் இருந்தாலும் சரி, அந்த தலைவனால் பெரிய மாற்றங்கள் உருவாகும் என்பதில் எனக்கு எந்த சந்தேகமும் இல்லை. இந்த எல்லா அடிப்படைத் தகுதி களையும் ஒரே வார்த்தையில் அடக்குவதைத்தான் நான் “கிரியேட்டிவ் லீடர்ஷிப்’’ என்று குறிப்பிட்டேன்.

இளைஞர்களிடம்தான் இந்த படைப்பாற்றல் மிக்க தலைமை இருக்கப் போகிறது. இது இளைஞர்கள் காலம். முழுமூச்சுடன் அவர்கள் பணியாற்றப் போகும் காலம். இந்த நாட்டில் உள்ள 540 மில்லியன் இளைஞர்களின் பொறுப்பில்தான் தேசத்தின் எதிர்காலமே இருக்கிறது. அவர்கள் சரியான நேரத்தில் சரியான வேலையைச் செய்ய வேண்டுமே தவிர, தேவையற்ற வேலைகளில் கவனத்தைச் சிதற விடக்கூடாது.

நான் எம்.ஐ.டியில் படித்துக் கொண்டிருந்தபோது ஒரு மிகப் பெரும் தலைவரைச் சந்தித்தேன். அவர் அப்போது எனக்கு கொடுத்த தங்கமான அறிவுரை. ""இப்போதைக்கு படிப்பில் மட்டுமே உன் கவனம் இருக்க வேண்டும். அரசியல் அது இது என்று கவனத்தைத் திருப்பாதே..உன் படிப்புதான் உன்னையும் இந்த சமூகத்தையும் உயர்த்தும்...''’என்றார்.

அவர்- தந்தை பெரியார்!

விரிவாக படிக்க இங்கே கிளிக் செய்யுங்கள்

அறி​வுப் புரட்​சிக்கு அடித்​த​ளம்

இங்​கி​லாந்​திலே பிறந்து வளர்ந்​த​வர் தாமஸ் பெயின்.​ பன்​னி​ரெண்​டாம் வயது வரை மட்​டுமே பள்​ளிக்​கூ​டத்​துக்​குச் சென்று படிக்​கிற வாய்ப்​பைப் பெற்ற பெயின்,​​ இள​மை​யி​லேயே வறு​மை​யின் கோரப்​பி​டி​யில் உழன்​றார்.​ ஒரே வேலை​யில் நிலைத்து நிற்க முடி​யாத சூழ​லி​லும்,​​ குடும்ப நிலைமை கார​ண​மாக வெவ்​வேறு வேலை​க​ளை​யும் செய்து பார்த்​தார்.​

க​லால் அலு​வ​ல​கத்​தில் பணி​செய்த போது அங்​குள்​ள​வர்​க​ளைத் திரட்டி உரி​மைக் குரல் எழுப்​பி​ய​தால் உயர் அதி​கா​ரி​க​ளால் அவ்​வே​லையி​லி​ருந்து விரட்​டப்​பட்​டார் பெயின்.​ வறு​மை​யின் உச்​சத்​தில் வாடிய அக்​கால கட்​டத்​தில்​தான்,​​ பின்​னர் உல​கப் புகழ்​பெற்​ற​வ​ராக விளங்​கிய பெஞ்​ச​மின் பிராங்​கி​ளி​னைச் சந்​தித்​தார்.​ பெஞ்​ச​மின் பிராங்​கி​ளின் அப்​போது இங்​கி​லாந்து காலனி நாடு​க​ளின் கமி​ஷ​ன​ரா​கப் பணி​யாற்​றிக் கொண்​டி​ருந்​தார்.

பெ​யி​னின் பிரச்​னை​யைப் பரி​வு​டன் கேட்​ட​றிந்த பிராங்​கி​ளின்,​​ பெயி​னுக்​குள் உறங்​கிக்​கொண்​டி​ருந்த உள்​ளொ​ளியை ஓர​ளவு புரிந்​து​கொண்ட நிலை​யில் அவ​ருக்கு ஒரு பரிந்​து​ரைக் கடி​தத்​தைக் கொடுத்து அமெ​ரிக்​கா​வில் அப்​போது வசித்​து​வந்த தனது மரு​ம​க​னி​டம் அனுப்​பி​னார்.​ 1977-ம் ஆண்டு தனது முப்​பத்​தே​ழா​வது வய​தில் பெயின் அமெ​ரிக்​கா​வில் உள்ள ஃபி​டெல்​பியா நக​ருக்​குச் சென்​றார்.​

"பென்​ஸில்​வே​னியா மேக​ஸின்' என்ற இத​ழின் ஆசி​ரி​யர் பொறுப்பு நம்​பிக்​கை​யு​டன் பெயி​னுக்கு அளிக்​கப்​பட்​டது.​ கறுப்பு இன நீக்ரோ மக்​க​ளுக்கு அமெ​ரிக்​கா​வில் இழைக்​கப்​பட்ட கொடு​மை​கள் குறித்து ஒரு கட்​டுரை எழு​தி​னார்.​ இக்​கட்​டுரை வெளி​வந்து ஐந்து வாரங்​க​ளில் அமெ​ரிக்​கா​வில் முதன் முத​லாக "அடிமை எதிர்ப்​புச் சங்​கம்' உரு​வா​னது.​ச​மூ​கக் கொடு​மை​கள் குறித்​தும், மக்​கள் படும் அவ​தி​கள் குறித்​தும் தொடர்ந்து கட்​டு​ரை​க​ளும் சிறு பிர​சு​ரங்​க​ளும் எழுதி வெளி​யிட்டு வந்​தார் தாமஸ்​பெ​யின்.​ இப்​பி​ர​சு​ரங்​க​ளுக்கு மக்​க​ளி​டத்​தில் அமோக வர​வேற்​புக் கிடைத்​த​தோடு,​​ படிப்​ப​டி​யாக விழிப்​பு​ணர்வு ஏற்​ப​டத் தொடங்​கி​யது.​

"இங்​கி​லாந்தி​லி​ருந்து அமெ​ரிக்கா பிரி​வது தவிர்க்க முடி​யாது' என்ற கருத்தை அழுத்​தம் திருத்​த​மா​கத் தனது எழுத்​து​கள் மூலம் தொடர்ந்து வாதிட்டு வந்​தார் தாமஸ்​பெ​யின்.​ "இங்​கி​லாந்து' எனும் தேசத்​துக்கு கீழ்ப்​ப​டிந்த அடிமை நாடாக எக்​கா​ர​ணம் கொண்​டும் அமெ​ரிக்கா நீடிக்​கக் கூடாது என்​ப​தற்கு அடுக்​க​டுக்​கான ஆதா​ரங்​களை அடிப்​ப​டை​யா​கக் கொண்டு "பகுத்​த​றிவு' எனும் தலைப்​பில் ஒரு சிறு நூலை எழுதி வெளி​யிட்​டார்.​

​இங்​கி​லாந்​தில் பிறந்​தி​ருந்​தா​லும்,​​ பெயி​னுக்கு,​​ அமெ​ரிக்கா புகுந்த வீடாக விளங்​கி​னா​லும்,​​ இங்​கி​லாந்​தின் முடி​யாட்​சிக்கு எதி​ரா​கக் குடி​யாட்​சித் தத்​து​வத்தை வலி​யு​றுத்தி அவர் எழு​திய "பகுத்​த​றிவு' நூல் அமெ​ரிக்​கர்​க​ளையே ஆச்​ச​ரி​யத்​தில் ஆழ்த்​தி​யது.​

1776-ம் ஆண்டு ஜன​வரி 10-ம் தேதி,​​ "பகுத்​த​றிவு' நூல் வெளி​யி​டப்​பட்​டது.​ "ஓர் ஆங்​கி​லே​ய​ரால் எழு​தப்​பெற்​றது' என்ற குறிப்​பு​டன் வெளி​யான இந்த நூல், வெளி​வந்த மூன்று மாதங்​க​ளில் 1,20,000 பிர​தி​கள் விற்​றுத் தீர்ந்​தன.​ வெகு விரை​வில் ஐந்து லட்​சம் பிர​தி​கள் எவ்​வித முயற்​சி​யும் எடுக்​கா​ம​லேயே விற்​ப​னை​யா​னது.​

​அன்​றி​ருந்த மக்​கள் தொகை​யைக் கணக்​கில் எடுத்​துப் பார்த்​தால்,​​ அமெ​ரிக்​கா​வில் அன்​றி​ருந்த பதி​மூன்று கால​னி​க​ளில் வாழ்ந்த எழு​தப்​ப​டிக்​கத் தெரிந்த அனை​வ​ரின் கையி​லும் இந்​தச் சிறு​நூல் இருந்​தி​ருக்க வேண்​டும் என்று கணிக்க முடி​கி​றது.​
சிங்​கம் அமர வேண்​டிய இடத்​தில் ஒரு கழுதை அமர நேரிட்டு மனித சமூ​கமே கேலி செய்​யும்​ப​டி​யான ஒரு நிலை​மையை அது அடிக்​கடி தோற்​று​வித்து விடு​கி​றது'' என்று முடி​யாட்​சி​யால் ஏற்​ப​டக்​கூ​டிய கேடு​கள் குறித்து இந்நூ​லில் எரி​ம​லை​யாய் வெடித்​தி​ருக்​கி​றார் தாமஸ்​பெ​யின்.​ ""முட்​டாள்​கள்,​​ போக்​கி​ரி​கள்,​​ தகு​தி​யற்​ற​வர்​கள் ஏற்​றம் காண்​ப​தற்கு அது வழி​யைத் திறந்து விடு​கி​றது'' என்று எழுத்​துச் சாட்டை கொண்டு விளா​சி​யுள்​ளார் பெயின்.​

தா​மஸ்​பெ​யி​னின் அர்த்​த​மும் அழுத்​த​மும் ஆவே​ச​மும் அடங்​கிய வாதங்​கள் நிறைந்த "பகுத்​த​றிவு' எனும் துண்​டுப் பிர​சு​ரம் போன்ற வெறும் 47 பக்​கங்​களை மட்​டுமே உள்​ள​டக்​கிய இச்​சி​று​நூல் அமெ​ரிக்​கா​வில் ஒரு பெரும் அர​சி​யல் அதிர்​வ​லையை உரு​வாக்​கி​யது.​

"உட​ன​டி​யா​கப் பய​ன​ளித்து,​​ படர்ந்து,​​ செல்​வாக்​குள்​ள​தாக நீடித்து நிலைத்​து​விட்ட வேறு எந்த நூலை​யும் எந்த மனி​த​னும் இப்​படி எழு​தி​ய​தில்லை'' என்று "பகுத்​த​றிவு' நூல் குறித்து தனது கருத்தை "அமெ​ரிக்​கப் புரட்​சி​யின் வர​லாறு' என்ற தனது நூலில் பதிவு செய்​துள்​ளார் ஜார்ஜ் டிரெவி​லி​யன்.​

தா​மஸ்​பெ​யி​னின் "பகுத்​த​றிவு' நூல் வெளி​யான ஆறு மாதங்​க​ளுக்​குள் அமெ​ரிக்​கக் கண்​டத்து காங்​கி​ரஸ், ஃபி​ல​டெல்​பி​யா​வில் உள்ள அர​சாங்க மாளி​கை​யில் கூடி அமெ​ரிக்க ஐக்​கிய நாடு​க​ளின் ​ சுதந்​தி​ரத்​தைப் பிர​க​ட​னம் செய்​தது.​

இங்​கி​லாந்​தி​ட​மி​ருந்து சுதந்​தி​ர​மாக,​​ சுயேச்​சை​யாக அமெ​ரிக்கா செயல்​பட அடித்​த​ள​மிட்ட நூல்​க​ளில் பிர​தா​ன​மான நூலா​கிய "பகுத்​த​றிவு' போலவே அமெ​ரிக்​கா​வில் நில​விய நிற​வெ​றிக்​கெ​தி​ராக உரு​வெ​டுத்த நூல்​தான் "அங்​கிள் டாம்ஸ் கேபின்'

"ஹேரி​யட் பீச்​சர் ஸ்டோவ்' என்ற பெண்​மணி அமெ​ரிக்கா நாட்​டில் சின்​சி​னாட்டி நக​ரில் ஒரு மத போத​க​ரின் மக​ளா​கப் பிறந்​தார்.​ அன்று அமெ​ரிக்​கா​வில் இருந்த நிற​வெறி கொண்ட எஜ​மா​னர்​க​ளாக விளங்​கிய வெள்​ளை​யர்​கள் பல​ரால் சித்​தி​ர​வதை செய்​யப்​பட்ட கறுப்பு நிற நீக்ரோ இன அடிமை மக்​கள் மத​போ​த​கர் நடத்​திய பாட​சா​லைக்​குத் தப்​பித்து வந்து தஞ்​சம் புகுந்​த​னர்.​

அவர்​க​ளின் கண்​ணீர்க் கதை​க​ளைக் கேட்​டுக் கேட்டு மத​போ​த​க​ரின் மகள் ஹேரி​யட் பீச்​சர் ஸ்டோவ் மனம் நெகிழ்ந்து எழு​திய காவி​யம்​தான் "அங்​கிள் டாம்ஸ் கேபின்'.​

இரண்டு பாகங்​க​ளைக் கொண்ட மிகப்​பெ​ரிய நூலாம் "அங்​கிள் டாம்ஸ் கேபின்' 1852-ம் ஆண்டு வெளி​யி​டப்​பட்​டது.​ இது​தான் ஹேரி​யட் எழு​திய முதல் நூல்.​ அந்​நூல் அச்​ச​டித்து வெளி​யான ஐயா​யி​ரம் பிர​தி​க​ளில் முதல் நாளே மூவா​யி​ரம் பிர​தி​கள் விற்​றுத் தீர்ந்​தன.​ மீத​முள்ள இரண்​டா​யி​ரம் பிர​தி​க​ளும் அடுத்த நாளே விற்​கப்​பட்​டு​விட்​டன.​

இந்​நூல் வெளி​யான ஓராண்​டுக்​குள் மூன்று லட்​சம் பிர​தி​கள் அமெ​ரிக்​கா​வில் மட்​டும் விற்​றன.​ அக்​கா​லத்​தி​லேயே நவீன விசை​யால் இயங்​கிய எட்டு அச்சு இயந்​தி​ரங்​கள் இரவு பக​லாக ஓடி இந்த நூலைத் தொடர்ந்து அச்​ச​டித்த வண்​ண​மி​ருந்​தன.​ இரண்டே ஆண்​டு​க​ளுக்​குள் உல​கெங்​கும் சுமார் அறு​பது மொழி​க​ளில் இந்​நூல் மொழி​யாக்​கம் செய்​யப்​பட்டு வெளி​வந்​தது.​

ஹே​ரி​யட்​டின் நூல் ஆதிக்க நிற​வெ​றிக்கு எதி​ராக ஒரு பெரும் போரை உரு​வாக்க மக்​களை ஆயத்​தப்​ப​டுத்த முனைந்​தது.​ ""இந்த உள்​நாட்டு யுத்​தத்தை உரு​வாக்​கிய புத்​த​கத்தை எழு​திய சிறு​பெண்'' என்று ஹேரி​யட் குறித்து,​​ ஆப்​ர​காம் லிங்​கன் கருத்​துத் தெரி​வித்​துள்​ளார்.​

ச​மூ​கப் போக்​கு​க​ளைச்​சாடி மனித குலத்​தைச் சிந்​திக்க வைக்​கும் புத்​த​கங்​கள் வெளி​வந்​த​தைப் போலவே,​​ இயற்கை குறித்​தும்,​​ மனி​த​குல வர​லாறு பற்​றி​யும்,​​ ஆய்வு நோக்​கி​லும் அறி​வி​யல் பார்​வை​யி​லும் நூல்​கள் பல வெளி​வ​ரத் தொடங்​கின.​ இந்த வரி​சை​யில் டார்​வின் எழு​திய "உயி​ரி​னங்​க​ளின் தோற்​று​வாய்' மனி​த​னின் வழி​வ​ழி​யாக வந்த சிந்​த​னைப் போக்​கையே மடை​மாற்​றம் செய்​வித்​தது.​

"பீகிள்' என்ற ஆய்​வுக் கப்ப​லில் பய​ணித்து ஐந்​தாண்​டு​கள் மேற்​கொண்ட கட​லாய்​வுக்​குப் பிறகு அப்​போது கிடைக்​கப்​பெற்ற விலங்​கு​க​ளின் எலும்​புக் கூடு​கள்,​​ ராட்​சத ஆமை​கள்,​​ புழு பூச்​சி​கள்,​​ விநோத விலங்​கி​னங்​கள்,​​ தாவ​ரங்​கள் போன்​ற​வற்​றைக் கொண்டு ஆழ​மா​க​வும் வித்​தி​யா​ச​மா​க​வும் ஆய்​வு​களை மேற்​கொண்​டார் விஞ்​ஞானி ​ டார்​வின்.​

இந்த ஆய்​வின் விளை​வாய் "இயற்​கை​யின் தோற்​றம்',​ "வாழ்க்​கைப் போராட்​டம்',​ "தகுதி மிக்​கது மிஞ்​சு​வது' என்ற தனது அரி​தி​னும் அரி​தான கண்​டு​பி​டிப்​பு​களை உள்​ள​டக்கி "உயி​ரி​னங்​க​ளின் தோற்​று​வாய்' என்ற பூவு​ல​கச் சிந்​த​னை​யைப் புரட்​டிப் போட்ட நூலை எழு​தி​மு​டித்​தார்.​ இந்​நூல் புதிய கேள்​வி​யை​யும் பல​ரின் மத்​தி​யில் சர்ச்​சை​யை​யும் உரு​வாக்​கி​யது.​ ஆனால்,​​ காலத்தை வென்ற கருத்​துக் கரு​வூ​ல​மாக அந்​நூல் இப்​போது உல​கோ​ரால் ஒப்​புக் கொள்​ளப்​பட்​டுள்​ளது.​

டார்​வி​னின் சம​கா​லத்​தில் வாழ்ந்த கார்ல் மார்க்​ஸின் "மூல​த​னம்' என்ற நூல் இதே அள​வுக்கு உல​கின் கவ​னத்தை ஈர்த்​தது.​ மனி​த​குல சமூ​கப் பொரு​ளா​தார அடிப்​படை மாற்​றம் குறித்து "மூல​த​னம்' நூல் அலசி ஆராய்ந்​துள்​ளது.​

"இது​வரை அகில உல​க​ள​வில் தோன்​றிய அறி​ஞர்​கள் அனை​வ​ரும் உல​கின் போக்​கு​களை விமர்​சித்​துள்​ள​னர்,​​ வியாக்​கி​யா​னம் செய்​துள்​ள​னர்.​ ஆனால்,​​ கார்ல் மார்க்ஸ் தனது "மூல​த​னம்' நூலின் மூல​மாக உலகை மாற்றி அமைக்​கிற சூத்​தி​ரத்​தைச் சொல்​லி​யி​ருக்​கி​றார்' என்று "மூல​த​னம்' வெளி​வந்த பிறகு தத்​து​வக்​கீர்த்​தி​மிக்​கோர் தங்​க​ளது கருத்தை வெளி​யிட்​டுள்​ள​னர்.​

"மூல​த​னம்' நூலை உரு​வாக்​கப் பதி​னைந்து ஆண்​டு​கள் முழுக்க முழுக்க ஐக்​கி​யப்​பட்டு ஈடு​பாட்​டோடு அர்ப்​ப​ணித்து உழைத்​தார் கார்ல் மார்க்ஸ்.​ இந்த நூலை உரு​வாக்​கு​வ​தில் உட​னி​ருந்து அரும்​ப​ணி​யாற்​றி​ய​தோடு,​​ முறைப்​ப​டுத்தி அச்​சிட்டு வெளிக்​கொ​ணர்​வ​தில் தோழ​மைக்கு இலக்​க​ணம் வகுத்த கார்ல் மார்க்​ஸின் நெருங்​கிய தத்​து​வ​யி​யல் ஆய்​வா​ளர் பிர​ட​ரிக் எங்​கெல்ஸ் பெரும் பங்​காற்​றி​யுள்​ளார்.​ ஒரு நூல் சமூக அமைப்பை மாற்​றும் வல்​ல​மை​யு​டை​யது என்​ப​தற்கு "மூல​த​னம்' ஒரு சிறந்த முன்​னு​தா​ர​ணம்.​

"எத்​தனை நூல்​களை வாசிக்​கி​றோம் என்​ப​தல்ல...​ எத்​த​கைய நூல்​களை வாசிக்​கி​றோம் என்​ப​து​தான் முக்​கி​யம்'' என்​றார் ஜவா​ஹர்​லால் நேரு.​ ​

ஒரு "சத்​திய சோதனை' நெல்​சன் மண்​டே​லாவை சிந்​திக்​கத் தூண்​டி​யது போல,​​ ஒரு "திருக்​கு​றள்' மகாத்மா காந்​தி​ய​டி​களை வியப்​புக்​குள்​ளாக்​கி​யது போல,​​ நம் மண்​ணில் தோன்​றிய மாபெ​ரும் மனி​தர்​க​ளின் மகத்​தான கருத்​து​கள் ஞானப் பெட்​ட​கங்​க​ளா​கப் புத்​தக வடி​வில் நம்​முன் விரிந்து கிடக்​கின்​றன.​

இல்​லந்​தோ​றும் நூல​கங்​களை உரு​வாக்க நாம் உறு​தி​யேற்க வேண்​டும்.​ "நூல​க​மில்லா ஊரில் குடி​யி​ருக்க வேண்​டாம்' என்ற புது​மொ​ழியை திக்​கெட்​டும் பரப்ப வேண்​டும்.​ "நல்ல நூல்​களே நல்ல நண்​பர்​கள்' என்ற சிந்​தனை இளைய நெஞ்​சங்​க​ளின் இத​யத்​தில் கல்​வெட்​டாய்ப் பதிக்​கப்​பட வேண்​டும்.
விரிவாக படிக்க இங்கே கிளிக் செய்யுங்கள்

முதலில் உங்கள் இ.மெயில் முகவரியை இங்கே பதிவு செய்து தினம் ஒரு கல்விச்சோலை இ.மெயிலை இலவசமாக பெறுங்கள்.