முதுகலை ஆசிரியர் பணிக்கான சான்றிதழ் சரிபார்ப்பு நவம்பர் 8, 9-ம் தேதிகளில் நடைபெற உள்ளது.

முதுகலை ஆசிரியர் பணிக்கான சான்றிதழ் சரிபார்ப்பு நவம்பர் 8, 9-ம் தேதிகளில் நடைபெற உள்ளது.

தமிழகத்தில் அரசுப்பள்ளிகளில் காலியாக உள்ள 2,150 முதுகலை ஆசிரியர் மற்றும் உடற்கல்வி இயக்குநர் நிலை-1 பணியிடங்களை நிரப்புவதற்கான போட்டித்தேர்வு கடந்த செப்டம்பர் 27, 28, 29-ம் தேதிகளில் நடை பெற்றது. இந்த தேர்வை மொத்தம் 1 லட்சத்து 46 ஆயிரத்து 580 பேர் எழுதினர். தேர்வு முடிவுகளை ஆசிரியர் தேர்வு வாரியம் நேற்று முன்தினம் வெளியிட்டது. இதில் 3,833 பேர் தேர்ச்சி பெற்றுள்ளனர்.

இதையடுத்து தேர்ச்சி பெற்ற வர்களுக்கான சான்றிதழ் சரிபார்ப்பு தமிழகம் முழுவதும் 11 மாவட்டங்களில் நவம்பர் 8, 9-ம் தேதிகளில் நடைபெற உள்ளது. இதற்கான அழைப்பு கடிதம் மின்னஞ்சல் மற்றும் குறுஞ்செய்தி வழியாக தேர்வான பட்டதாரிகளுக்கு அனுப்பி வைக்கப்பட்டுள்ளது. அதில் குறிப் பிட்டுள்ள ஆவணங்களையும் அக்டோபர் 29 முதல் நவம்பர் 1-ம் தேதிக்குள் தேர்வு வாரிய இணையதளத்தில் (http://trb.tn.nic.in) பதிவேற்றம் செய்ய வேண்டும். கால அவகாசம் நீட்டிக்கப்படமாட்டாது.

மேலும், சான்றிதழ் சரிபார்ப்பு நடைபெறும் மையத்துக்கு காலை 10 மணிக்குள் வந்துவிட வேண்டும். கூடுதல் விவரங்களை மேற்கண்ட இணையதளத்தில் தெரிந்து கொள்ளலாம் என்று துறை அதிகாரிகள் தெரிவித்தனர்.
Read More News - Download

Comments

Post a Comment

||| www.new.kalvisolai.com ||| www.studymaterial.kalvisolai.com ||| www.tamilgk.kalvisolai.com ||| www.onlinetest.kalvisolai.com |||