ஐ.ஏ.எஸ்., ஐ.பி.எஸ். தேர்வுமுறை முற்றிலும் மாற்றி அமைக்கப்பட்டு உள்ளது. தமிழ் இலக்கிய பட்டதாரிகள் மட்டுமே இனி தமிழில் தேர்வு எழுத முடியும். மற்றவர்கள் ஆங்கிலம் அல்லது இந்தியில் தேர்வு எழுத வேண்டும். புதிய முறையில், சிவில் சர்வீசஸ் பணிகளுக்கும், இந்திய வனப்பணிக்கும் (ஐ.எப்.எஸ்.) சேர்த்து பொதுவாக ஒரே முதல்நிலை தேர்வு நடத்தப்படும். இந்த புதிய தேர்வுமுறை நடப்பு ஆண்டில் இருந்தே அமல்படுத்தப்படுகிறது.இந்த ஆண்டுக்கான சிவில் சர்வீசஸ் முதல்நிலை தேர்வு மே மாதம் 26–ந் தேதி நடைபெற உள்ளது. இதற்கான அறிவிப்பை யு.பி.எஸ்.சி. வெளியிட்டுள்ளது. தேர்வுக்கு ஆன்லைனில் விண்ணப்பிக்க ஏப்ரல் மாதம் 4–ந் தேதி கடைசி நாள் என்று அறிவிக்கப்பட்டு இருக்கிறது