நீங்கள் அரசு ஊழியரா? அப்ப இதை கண்டிப்பா செஞ்சிடுங்க. ~ Kalvisolai

IFHRMS ஒருங்கிணைந்த நிதி மற்றும் மனித வள மேலாண்மை திட்டம் குறித்து கருவூலம் மற்றும் கணக்குத்துறை ஆணையரின் காணொளிக் கூட்டம் 02-08-2024 அன்று நடைபெற்றது. இந்தக் கூட்டத்தில் தெரிவிக்கப்பட்ட முக்கிய அம்சங்கள் கீழே கொடுக்கப்பட்டுள்ளன:

களஞ்சியம் செயலி (KALANJIYAM MOBILE APP):
- அனைத்து அரசுப் பணியாளர்களும் தங்கள் மொபைலில் களஞ்சியம் செயலியை நிறுவி, தங்கள் விவரங்களை (Profile, Leave, Payslip, Reports) சரிபார்க்க வேண்டும்.
- விடுப்பு எடுக்க விரும்புபவர்கள் களஞ்சியம் மொபைல் செயலி மூலம் விடுப்பு விண்ணப்பங்களைச் சமர்ப்பிக்க வேண்டும். தற்செயல் விடுப்பு, ஈடுசெய்யும் விடுப்பு மற்றும் வரையறுக்கப்பட்ட விடுப்புகளைத் தவிர மற்ற விடுப்புகளுக்கு, சம்பந்தப்பட்ட பணியாளர்கள் அனுமதி பெற்ற பிறகே ஊதியம் வழங்கப்படும்.
- பண்டிகை முன்பணம், குறுகிய கால முன்பணம் போன்ற முன்பண விண்ணப்பங்களும் களஞ்சியம் மொபைல் செயலி மூலமே சமர்ப்பிக்கப்பட வேண்டும்.
- செயலியில் ஏதேனும் குறைபாடுகள் இருந்தால், Feedback Report அனுப்ப வேண்டும். விடுப்பு விவரங்களை முழுமையாகப் பதிவு செய்ய, Navigation Path (HR - Report View - Employee List view Details) மூலம் Web id-யில் பதிவிட்டு ஏற்பளிக்க வேண்டும்.
வருடாந்திர ஊதிய உயர்வு (Annual Increment):
- வருடாந்திர ஊதிய உயர்வுகளை IFHRMS-ல் உள்ள Annual Increment Module-ஐப் பயன்படுத்தி மட்டுமே வழங்க வேண்டும். 'Update Salary Option'-ஐப் பயன்படுத்தக் கூடாது, ஏனெனில் அது அடுத்த ஆண்டு ஊதிய உயர்வுகளை தானாகப் புதுப்பிக்காது.
டிஜிட்டல் தணிக்கை மற்றும் கணக்கியல் அமைப்புகள் (Digital Audit and Accounting Systems (DAAS)):
- ஊதியம் மற்றும் ஊதியம் அல்லாத பட்டியல்கள் (Salary and Non Salary Bills) தொடர்பான அனைத்து ஆவணங்களையும் (Proceeding Order, Increment Copy, Post Continuation Order, Relating Government Orders and Non Salary Bills - Bill Number and Date, Voucher Cancellation Certificate, Supporting Vouchers, Orders, Stock Entry Certificate, Passed for payments, Paid by me.. etc.,) DDO கையொப்பமிட்டு ஸ்கேன் செய்து IFHRMS-ல் கட்டாயமாகப் பதிவேற்ற வேண்டும். தவறும் பட்சத்தில் பட்டியல்கள் தணிக்கை செய்யப்படும்.
GPF சந்தா (GPF Subscription):
- GPF சந்தா ஒரு ஆண்டிற்கு ரூ.5,00,000/- (ரூபாய் ஐந்து லட்சம் மட்டும்) மிகாமல் இருக்க வேண்டும் (மாதத்திற்கு ரூ.40,000/- மிகாமல்).